Aýa raıy
Astana 27 °S
Almaty 25 °S
valıýta baǵamy
USD 386.82
EUR 428.67
RUB 5.86
CNY 54.95

QR Bas prokýratýrasy qazaqstandyqtardy zańsyz mıtıngterge qatyspaýǵa shaqyrdy

2019 jyldyń 4 shilde 2019 19:41 1227

NUR-SULTAN. QazAqparat - Qazaqstan Respýblıkasy Bas Prokýrorynyń orynbasary B.B. Dembaev «Prokýratýra týraly» Zańnyń 31-baby tártibinde qazaqstandyqtarǵa úndeý joldady, dep habarlaıdy QazAqparat.

«Bıyl 28 maýsymda prokýratýra organdary buqaralyq aqparat quraldary arqyly beıbit mıtıngiler men jınalystar ótkizýdiń tártibi men sharttary týraly zańǵa túsinikteme berdi. Memleket mundaı jarııa is-sharalardy ótkizýge konstıtýtsııalyq quqyqty iske asyrýdy «Qazaqstan Respýblıkasynda beıbit jınalystar, mıtıngiler, sherýler, pıketter jáne demonstratsııalar uıymdastyrý men ótkizý tártibi týraly» Zań sheńberinde qamtamasyz etedi» delingen úndeýde.

Sonymen qatar, onda áleýmettik jelilerde atalǵan zań talaptaryn buzyp, 2019 jylǵy 6 shildede sanktsııalanbaǵan mıtıngterdi uıymdastyrýǵa jáne oǵan qatysýǵa arandatýshylyq shaqyrýlardy taratý áli de jalǵasyp jatqany aıtylǵan.

«Júrgizilip jatqan úgit - jekelegen adamdardyń jappaı tártipsizdikti uıymdastyrýǵa jáne eldegi jaǵdaıdy turaqsyzdandyrýǵa baǵyttalǵan kezekti talpynysy. Konstıtýtsııa men ulttyq zańnamaǵa sáıkes mundaı is-áreketterge tyıym salynady jáne jaýapkershilikke ákep soǵady. Osyǵan baılanysty, quqyq qorǵaý organdary atalǵan zańsyz is-áreketterdiń jolyn kesetin bolady. Ruqsat etilmegen jarııa aktsııalardy uıymdastyrýǵa jáne ótkizýge shaqyrý, ne olarǵa qatysý Ákimshilik quqyq buzýshylyq týraly kodekstiń 488-baby  boıynsha jaýapkershilik qarastyrylǵan (sanktsııalanbaǵan aktsııany uıymdastyrý ne oǵan qatysý)» delingen habarlamada.

Odan bólek, bul áreketter azamattardyń, uıymdardyń, qoǵamnyń nemese memlekettiń quqyqtary men zańdy múddelerine eleýli zııan keltirse, onda Qylmystyq kodekstiń 400-baby  boıynsha jaýapkershilik týyndaıtyny (sanktsııalanbaǵan aktsııany uıymdastyrý ne oǵan qatysý, eger olar eleýli zııan keltirse) aıtylǵan.

Osynyń bárin eskere otyryp, Bas prokýratýra azamattardy zańdy saqtaýǵa, arandatýshylyqqa boı aldyrmaýǵa jáne zańsyz aktsııalarǵa qatysýdan bas tartýǵa shaqyrady.

 

 

Basty sózder: QR Bas prokýratýrasy, Qoǵam,
Joǵary qaraı