Aýa raıy
Astana 9 °S
Almaty 15 °S
valıýta baǵamy
USD 389.52
EUR 429.21
RUB 6.07
CNY 54.94

QPL: «Qaırat» týrnır kestesinde «Astanaǵa» qaıta jaqyndaı tústi

2019 jyldyń 25 sáýir 2019 00:13

NUR-SULTAN. QazAqparat - Fýtboldan Premer-lıga komandalary arasyndaǵy el birinshiligi 20-týryndaǵy ýaqyty ózgergen bir kezdesý Almatynyń «Qaıraty» men «Atyraý» komandalary arasynda ótkizildi, dep habarlaıdy QazAqparat tilshisi.

Atalmysh oıynda Almaty qalasynda boldy. «Qaırat» budan burynǵy eki kezdesýde qarsylastaryna ese jiberdi. Aldymen Taldyqorǵanda «Jetisýdan» 0:3 esebimen jeńilse, odan keıin óz alańynda elordalyq «Astanaǵa» 0:1 esebimen tize búkti. Sondyqtan almatylyq klýb úshin bul oıynda upaı joǵaltýǵa bolmaıtyn edi.

Búginge deıingi «Atyraý» komandasynyń da jaǵdaıy máz emes. Olar 8 oıyn ótkizip, onyń 6-da qarsylastaryna ese jiberip qoıdy. Atyraýlyqtar úshin de árbir kezdesýdiń mańyzy artyp tur deýge negiz bar.

Búgingi kezdesýde «Qaırat» komandasy basym oınady. Alańnyń barlyq bóliginen olardyń uıymdastyrǵan shabýyly ańǵarylyp turdy. Almatylyq klýbtyń vengrııalyq shabýylshysy Marton Eppel 17-mınýtta óz komandasyn alǵa shyǵardy. Budan keıin de alań ıleriniń birneshe múmkindigi bolǵan edi. Dese de oıyn núktesi 90-mınýtta qoıyldy. Bul goldyń avtory - Marton Eppel. Osylaısha «Qaırat» «Atyraýdan» 2:0 esebimen basym tústi.

«Qaırat» týrnır kestesinde 15 upaımen úshinshi orynǵa kóterildi. Onyń aldyndaǵy «Astanada» 7 oıynnan 19, «Tobylda» 6 oıynnan 16 upaı bar.

Endi jetinshi týr oıyndary 27 sáýirde ótkiziledi. Bul kúni «Aqtóbe» men «Taraz», «Astana» men «Tobyl», «Jetisý» men «Atyraý», «Oqjetpes» pen «Ertis», «Ordabasy» men «Qaırat», «Shahter» men «Qaısar» komandalary kezdesedi.

Avtor Ádiljan Úmbet
Basty sózder: Almaty, Sport,
Joǵary qaraı