Aýa raıy
Astana 18 °S
Almaty 16 °S
valıýta baǵamy
USD 386.82
EUR 428.67
RUB 5.86
CNY 54.95

QPL: «Qaırat» «Qaısardy» oısyrata jeńdi

2019 jyldyń 14 shilde 2019 23:08 197

NUR-SULTAN. QazAqparat - Búgin fýtboldan elimizdiń Premer-lıga komandalary arasyndaǵy birinshiliginiń 18-týry máresine jetti, dep habarlaıdy QazAqparat tilshisi.

Alǵashqy oıyn Kókshetaý qalasynda ótti. Bul kezdesýde alań ıeleri 3:1 esebimen basym tústi. Oıynnyń 35-mınýtynda «Taraz» shabýylshysy Serj Nıýadzı esep ashqan edi. Odan keıin 50-mınýtta «Oqjetpes» sapynan Mılan Stoıanovıch aıyp dobynan tarazy basyn teńestirdi. Al alań ıeleri qatarynan Danılo Almeıda Alves 76-mınýtta gol soqsa, 80-mınýtta Sanat Jumahanov qorytyndy esepti belgiledi.

Taǵy bir kezdesý Almaty qalasynda ótti. Jergilikti «Qaırat» Qyzylordanyń «Qaısar» komandasyn oısyrata jeńdi. Atalmysh kezdesýde almatylyq shabýylshy Marton Eppel 16, 59, 73-mınýttarda het-trık jasasa, Aıbol Ábiken 62, Baýyrjan Islamhan 81-mınýtta esepti ústemeleı tústi. Oǵan «Qaısar» sapynan 88-mınýtta Tıgran Barsegıan bir ǵana golmen jaýap qaıyrdy. Kezdesýde «Qaırat» 5:1 esebimen jeńiske jetti.

Shymkentte týrnır kestesinde aldyńǵy úshtikte kele jatqan «Ordabasy» men Qostanaıdyń «Tobyly» kezdesti. Atalmysh kezdesýde 0:0 esebi tirkeldi.

Bul týrdaǵy taǵy eki kezdesý keshe, 13 shildede ótti. Taldyqorǵannyń «Jetisýy» óz alańynda Pavlodardyń «Ertisin» 4:0 esebimen jeńse, «Aqtóbe» Qaraǵandynyń «Shahterimen» 2:2 esebimen teń oınady.

Bul týrdaǵy bir oıyn «Astana» men «Atyraý» arasynda 3 sáýir kúni ótkizilgen edi. Ol kezdesýde elordalyq klýb 3:1 esebimen jeńiske jetti.

Endi kelesi týr oıyndary 20 jáne 21 shildede bolady. Bul kúni «Atyraý» men «Ordabasy», «Taraz» ben «Jetisý», «Tobyl» men «Qaırat», «Qaısar» men «Aqtóbe», «Shahter» men «Oqjetpes» komandalary kezdesedi. Atalmysh týrdaǵy «Ertis» pen «Astana» arasyndaǵy oıyn aldyn-ala 15 mamyr kúni ótkizilip, onda elordalyq klýb 4:0 esebimen jeńiske jetken edi.



Avtor Ádiljan Úmbet
Basty sózder: Sport,
Joǵary qaraı