Aýa raıy
Astana 10 °S
Almaty 16 °S
valıýta baǵamy
USD 389.52
EUR 429.21
RUB 6.07
CNY 54.94

QPL: «Qaırat» qatarynan úshinshi márte jeńiske jetti

2019 jyldyń 21 qyrkúıek 2019 21:04

NUR-SULTAN. QazAqparat - Búgin fýtboldan Premer-lıga komandalary arasyndaǵy el birinshiliginiń 27-týry aıasynda úsh match ótti, dep habarlaıdy QazAqparat tilshisi.

Alǵashqy oıyn Kókshetaý qalasynda ótkizildi. Jergilikti «Oqjetpes» Pavlodardyń «Ertis» komandasyn 1:0 esebimen jeńdi. Kezdesý taǵdyryn jalǵyz gol sheshti. Ony 63-mınýtta alań ıeleri sapynan Mılan Soıanovıch soqty.

Taǵy bir kezdesý Taraz qalasynda boldy. Jergilikti «Taraz» týrnır kestesinde qatarlas kele jatqan «Atyraý» komandasymen sheberlik baıqasqan edi. Nátıjesinde qos komanda 2:2 esebine qanaǵat bildirdi. Alań ıeleri qatarynan Álisher Súleı - 79, Elgýdja Lobjanıdze, «Atyraý» sapynan Islamnýr Abdýlarov - 62, Rızvan Ablıtarov 86-mınýtta mergendik tanytty.

Qyzylordada «Qaısar» Almatynyń «Qaırat» komandasymen kezdesti. Oıyn barysyndaǵy jalǵyz gol 56-mınýtta soǵyldy. Alań ıeleriniń qaqpashysy Marsel Islamqulovtyń qateligin «Qaırat» oıynshysy Rade Dýgalıch sheber paıdalanyp ketti. Osylaısha, «Qaırat» syrt alańda 1:0 esebimen jeńiske jetti. Almatylyq klýb sońǵy úsh týrda qatarynan jeńiske jetip keledi.

Atalmysh týrdaǵy qalǵan úsh oıyn erteń, 22 qyrkúıekte ótedi. Bul kúni «Shahter» men «Tobyl», «Jetisý» men «Astana», «Ordabasy» men «Aqtóbe» komandalary kezdesedi.

Al 28-týr oıyndary 28 jáne 29 qyrkúıek kúnderine josparlanǵan. 28 qyrkúıekte «Tobyl» men «Jetisý», «Ertis» pen «Shahter», «Astana» men «Qaısar», kelesi kúni «Qaırat» pen «Ordabasy», «Atyraý» men «Oqjetpes», «Aqtóbe» men «Taraz» komandalary oınaıdy.

Avtor Ádiljan Úmbet
Basty sózder: Sport,
Joǵary qaraı