Aýa raıy
Astana 6 °S
Almaty 9 °S
valıýta baǵamy
USD 389.86
EUR 435.32
RUB 6.12
CNY 55.12

QPL: «Qaırat» ekinshi oıyn qatarynan jeńiske jetti

2019 jyldyń 26 mamyr 2019 21:44

NUR-SULTAN. QazAqparat - Búgin elimizde fýtboldan Premer-lıga komandalary arasyndaǵy Qazaqstan birinshiliginiń 12-týr oıyndary ótip jatyr, dep habarlaıdy QazAqparat tilshisi.

Budan buryn úsh oıynnyń nátıjesin habarlaǵan edik https://www.inform.kz/qz/kpl-astana-tagy-da-upay-zhogaltty_a3530647. Elordalyq «Astana» syrt alańda Kókshetaýdyń «Oqjetpesin» komandasymen 1:1 esebimen teń tústi. Qostanaıdyń «Tobyly» syrt alańda «Tarazdy», Taldyqorǵannyń «Jetisýy» óz alańynda Qyzylordanyń «Qaısaryn» 1:0 esebimen tize búktirdi.

Sondaı-aq, taǵy eki kezdesýdiń nátıjesi belgili boldy. Nur-Sultanda Qaraǵandynyń «Shahteri» Almatynyń «Qaıratyn» qabyldady. Kezdesýde qaraǵandylyq klýb almatylyq fýtbolshylardan 1:2 esebimen jeńilip qaldy. Esepti alǵash bolyp «Shahter» oıynshysy Donet Shkodra soqqanymen oǵan 73 jáne 79-mınýtta «Qaırat» shabýylshysy Aderınsola Eseola qos golmen jaýap qaıyrdy. Osylaısha «Qaırat» ekinshi oıyn qatarynan jeńiske jetip otyr. Odan buryn almatylyq klýb úsh oıyn qatarynan qarsylastaryna ese jiberip qoıǵan bolatyn.

Pavlodarda «Ertis» «Atyraý» komandasyn qabyldady. Atalmysh kezdesýde 75-mınýtta pavlodarlyq Rafhat Aslan soqqan jalǵyz gol kezdesý taǵdyryn sheshti. Oıynda «Ertis» 1:0 esebimen jeńdi.

Atalmysh týrdy Aqtóbedegi jergilikti «Aqtóbe» jáne Shymkenttiń «Ordabasy» komandalary arasyndaǵy kezdesý aıaqtaıdy. Bul oıynda Nur-Sultan ýaqytymen 20.00-de bastalady.

Endi 13-týr oıyndary 31 mamyr kúni oınalady. Bul kúni «Astana» men «Jetisý», «Atyraý» men «Taraz», «Qaırat» pen «Aqtóbe», «Qaısar» men «Ertis», «Ordabasy» men «Oqjetpes», «Tobyl» men «Shahter» komandalary kezdesedi.

Avtor Ádiljan Úmbet
Basty sózder: Sport,
Joǵary qaraı