Aýa raıy
Astana 0 °S
Almaty 21 °S
valıýta baǵamy
USD 389.59
EUR 429.06
RUB 6.05
CNY 55.07

QPL: «Astana» taǵy da upaı joǵaltty

2019 jyldyń 26 mamyr 2019 19:52

NUR-SULTAN. QazAqparat - Búgin elimizde fýtboldan Premer-lıga komandalary arasyndaǵy Qazaqstan birinshiliginiń 12-týr oıyndary ótip jatyr, dep habarlaıdy QazAqparat tilshisi.

Dál qazir eki kezdesý aıaqtaldy. Elordalyq «Astana» syrt alańda Kókshetaýdyń «Oqjetpesin» komandasymen kezdesti. Bul kezdesýde «Astana» alǵash esep ashqan edi. Ony 44-mınýtta Roman Murtazaev oryndady. Degenmen 90-mınýtta Mılan Stoıanovıch tarazy basyn etńestirip ketti. Nátıjesinde kezdesý 1:1 esebimen aıaqtaldy. Aıta keterligi, sońǵy eki týrda «Astana» nebári bir ǵana upaı jınady.

Qostanaıdyń «Tobyly» syrt alańda «Tarazdy» 1:0 esebimen tize búktirdi. «Tobyl» sapynan 80-mınýtta Artem Sherotov jeńis golyn soqty.

Dál qazir Taldyqorǵanda jergilikti «Jetisý» men Qyzylordanyń «Qaısar» komandalary arasyndaǵy kezdesý máresine jetti. Atalmysh kezdesýde alań ıeleri 1:0 esebimen basym tústi. Goldy 52-mınýtta taldyqorǵandyq Kamo Oganesıan soqty.

Osy ýaqytta Pavlodarda «Ertis» pen «Atyraý», Qaraǵandyda «Shahter» men Almatynyń «Qaırat» komandalary arasyndaǵy kezdesýdiń ekinshi kezeńi ótip jatyr. Alǵashqy oıynda ázirge esep ashylǵan joq, ekinshisinde qaraǵandylyqtar 1:0 esebimen jeńip jatyr.

Atalmysh týrdy Aqtóbedegi jergilikti «Aqtóbe» jáne Shymkenttiń «Ordabasy» komandalary arasyndaǵy kezdesý aıaqtaıdy. Bul oıynda Nur-Sultan ýaqytymen 20.00-de bastalady.

Avtor Ádiljan Úmbet
Basty sózder: Sport,
Joǵary qaraı