Aýa raıy
Astana -6 °S
Almaty 11 °S
valıýta baǵamy
USD 389.34
EUR 428.78
RUB 6.05
CNY 55.45

Qostanaılyq polıtseıler turǵyndardy jolda qabyldady

2019 jyldyń 18 qazan 2019 21:45

QOSTANAI. QazAqparat – Qostanaı oblysynda jyl basynan beri 1887 adam tynyshtyqty buzǵany úshin jaýapqa tartylǵan, dep habarlaıdy QazAqparat.

Jańa formatta ótken «Jolda qabyldaý» aktsııasy aıasynda Qostanaı oblysy polıtsııa departamenti bastyǵynyń birinshi orynbasary Nyǵmet Ismagýlov aldymen jýrnalıster saýalyna jaýap berdi. Polıtsııa polkovnıgi Densaýlyq saqtaý mınıstrliginiń saǵat 20:00-den 09:00-ge deıin tynyshtyqty buzǵany úshin jaza belgileý týraly usynysyna túsinikteme berdi. Onyń aıtýynsha, saǵat 23.00-den tańǵy 6.00-ge deıin tynyshtyqty buzǵandar ákimshilik kodekstiń 437-babymen ákimshilik jaýapkershilikke tartylyp, 5 AEK kóleminde aıyppul óteıdi. Eger tártip buzý faktisi ekinshi ret qaıtalansa, 10 AEK shamasynda aıyppul tóleıdi.

«Qostanaı oblysynda jyl basynan beri tynyshtyqty buzǵany úshin 1887 adam jaýapqa tartylǵan. Mundaı tártip buzýshylyqtardyń deni Qostanaı qalasynda tirkelgen. Árıne, kópshiligi zańmen belgilengen ýaqyttan buryn da ótinish bildiredi. Bul jalǵa beriletin páterlerdegi jaǵdaılarǵa qatysty», - dep túsindirdi polıtsııa polkovnıgi.

Nyǵmet Ismagýlov polıtseıler turǵyn úı sektorynyń janyndaǵy kafe ıelerine qatysty sharalar qoldanatynyn atap ótti.

«Jeli paıdalanýshylary tipti kir jýǵysh mashınanyń shýy tynyshtyqty buzady dep esepteıdi. Sanıtarlyq-epıdemıologııalyq stantsııa osyndaı faktiler boıynsha ótinish bildirgen kezde shýdyń ruqsat etilgen deńgeıin belgileıdi jáne eger ol normadan joǵary bolsa, polıtsııa ákimshilik jaýapkershilikke tartady», - deıdi Qostanaı oblysy PD ákimshilik polıtsııa basqarmasynyń bastyǵy Andreı Grıgorevskıı.

Eger mundaı norma qabyldansa jáne azamattar qoldaý kórsetse, onda polıtseıler quqyq aıasynda jumys isteıtin bolady.

Aıta ketý kerek, bul joly «Jolda qabyldaý» jańa formatta ótýde. Azamattardy qabyldaý «Nur Otan» partııasynyń fılıaldarynda jáne polıtsııanyń front-keńselerinde uıymdastyrylǵan.

«Jolda qabyldaý» jumysynyń alǵashqy saǵattarynda oblys boıynsha 100-den astam azamat júgindi. Vedomstvolyq jelilerde tikeleı efırdegi suraqtarǵa jaýap berildi.







Joǵary qaraı