Awa rayı
Nur-Sultan 7 °S
Almatı 16 °S
valyuta bağamı
USD 379.36
EUR 424.47
RUB 5.88
CNY 54.95

Qostanaylıq oqwşılar jol qawіpsіzdіgі boyınşa çellendj bastadı

2019 jıldıñ 15 mamır 2019 16:11 307

QOSTANAY. QazAqparat - Qostanay oblısınıñ mektep oqwşıları jol qawіpsіzdіgі boyınşa çellendj bastadı, dep xabarlaydı QazAqparat. 

Bul akcïya kölіk jürgіzwşіlerdіñ nazarın jol qozğalısı qawіpsіzdіgі mäselesіne awdarw üşіn ötkіzіlіp otır. Şaranı bіrіnşі bolıp Qostanay qalasınıñ №21 orta mektebі men Äwlïeköl orta mektebіnіñ oqwşıları bastadı. Atalmış mektepte «3D» jol qozğalısın meñgergen jas ïnspektorlar otryadı qurılğan. Olar - jol qawіpsіzdіgі ïnspektorları arasında ötken oblıstıq jäne respwblïkalıq bayqawlardıñ jeñіmpazı.

«Akcïya şartı boyınşa, jol qozğalısı qawіpsіzdіgі taqırıbında mağınalı swret salw jäne onı ïnternetke jüktew qajet. Sodan keyіn çellendj basqa mektepke bağıttaladı. Qazіr arnayı polïgonda 21 mekteptіñ oqwşıları jol qozğalısı belgіlerіmen swretke tüstі. Bügіn Qostanay awdanı Zareçnıy orta mektebіnіñ oqwşıları bul bastamanı jalğastırmaq. Osılayşa, ekі apta іşіnde oblıstıñ barlıq mektepterі osı іs-şarağa qatısadı», - deydі oblıstıq polïcïya departamentіnіñ baspasöz qızmetіndegіler.


Polïcïyada atap ötkendey, Qostanay oblısında jıl basınan berі profïlaktïkalıq şaralardıñ arqasında jol-kölіk oqïğasınıñ sanı 12%-ğa tömendedі. Ayta keteyіk, bul akcïya xalıqaralıq Otbası künіne arnalğan.

 

 

Joğarı qaray