Aýa raıy
Astana 9 °S
Almaty 15 °S
valıýta baǵamy
USD 389.52
EUR 429.21
RUB 6.07
CNY 54.94

Qostanaılyq oqýshylar jol qaýipsizdigi boıynsha chellendj bastady

2019 jyldyń 15 mamyr 2019 16:11

QOSTANAI. QazAqparat - Qostanaı oblysynyń mektep oqýshylary jol qaýipsizdigi boıynsha chellendj bastady, dep habarlaıdy QazAqparat.

Bul aktsııa kólik júrgizýshilerdiń nazaryn jol qozǵalysy qaýipsizdigi máselesine aýdarý úshin ótkizilip otyr. Sharany birinshi bolyp Qostanaı qalasynyń №21 orta mektebi men Áýlıekól orta mektebiniń oqýshylary bastady. Atalmysh mektepte «3D» jol qozǵalysyn meńgergen jas ınspektorlar otrıady qurylǵan. Olar - jol qaýipsizdigi ınspektorlary arasynda ótken oblystyq jáne respýblıkalyq baıqaýlardyń jeńimpazy.

«Aktsııa sharty boıynsha, jol qozǵalysy qaýipsizdigi taqyrybynda maǵynaly sýret salý jáne ony ınternetke júkteý qajet. Sodan keıin chellendj basqa mektepke baǵyttalady. Qazir arnaıy polıgonda 21 mekteptiń oqýshylary jol qozǵalysy belgilerimen sýretke tústi. Búgin Qostanaı aýdany Zarechnyı orta mektebiniń oqýshylary bul bastamany jalǵastyrmaq. Osylaısha, eki apta ishinde oblystyń barlyq mektepteri osy is-sharaǵa qatysady», - deıdi oblystyq polıtsııa departamentiniń baspasóz qyzmetindegiler.



Polıtsııada atap ótkendeı, Qostanaı oblysynda jyl basynan beri profılaktıkalyq sharalardyń arqasynda jol-kólik oqıǵasynyń sany 12%-ǵa tómendedi. Aıta keteıik, bul aktsııa halyqaralyq Otbasy kúnine arnalǵan.

Joǵary qaraı