Awa rayı
Nur-Sultan 6 °S
Almatı 15 °S
valyuta bağamı
USD 379.36
EUR 424.47
RUB 5.88
CNY 54.95

Qostanayda «Urpaqtar jadında» akcïyası bastaldı

2019 jıldıñ 21 säwіr 2019 01:45 616

QOSTANAY. QazAqparat - «Nur Otan» partïyasınıñ  «Ardagerlerdі ardaqtayıq» jobası ayasında Qostanay oblısında «Urpaqtar jadında» attı respwblïkalıq akcïyası bastaw aldı, dep xabarlaydı QazAqparat.

«Urpaqtar jadında» attı respwblïkalıq akcïyasınıñ maqsatı - köşelerdі abattandırw jäne ardagerlerge qolğabıs etw. Іs-şaralar tіzbegіn «Nur Otan» partïyasınıñ Qostanay qalalıq fïlïalı men medïcïna kolledjіnіñ stwdentterі bastap kettі. Olar Ekіnşі dünïejüzіlіk soğısta erlіkpen qaza tapqan Sultan Baymağambetov batırdıñ qurmetіne berіlgen  şahardıñ  bastı köşelerіnіñ bіrіne abattandırw şaraların jürgіzdі.

«Bul akcïya partïyalıqtar üşіn jıl sayın ötetіn, dästürlі bastamağa aynaldı. Eskertkіştermen qatar, belsendі jastar memorïaldı taqtalar, batırlardıñ esіmderі berіlgen köşelerdі tazartıp, körkeytw şaralarına atsalısıp kelemіz. Ïgі şarağa qala turğındarınıñ belsendіlіgіn arttırw, jastardıñ boyına eljandılıq, otansüygіştіk qasïetterdі darıtw üşіn bastaldı»,- deydі «Nur Otan» partïyası Qostanay qalalıq fïlïalınıñ keñesşіsі Aytöre Tursın.



20-dan astam kolledj stwdentі qoldarına qural-sayman alıp şığıp,  köşelerdі tazaladı. Bul batırlardıñ rwxına  tağzım, qurmet körsetw, deydі olar.

«Twğan jerі men elіn jawdan qorğap, twğan xalqına swıqta pana, ıstıqta saya bolğan, Ulı dala elіnіñ dañqtı batırlarınıñ ömіrіmen öskeleñ jas urpaqtı etene tanıstırw - bügіngі künnіñ bastı maqsatı. Mäselen, Sultan Baymağambetovtіñ esіmі astıqtı aymaq şejіresіnіñ tarïxında ayrıqşa ornı bar. Batırdıñ rwxına qurmet körsetw, keyіngі tolqın ökіlderіnіñ  parızı», - deydі  Qostanay medïcïnalıq kolledjіnіñ stwdentі Serіk Baysultanov.



Ayta ketw kerek, respwblïkalıq akcïya ayasında Qostanay oblısınıñ är awdanı men qalalarında, şalğay jatqan eldі -mekenderde de  abattandırw şaraları uyımdastırıldı.  Bas ayağı 47 nısan qamtıldı. Bul nawqan aldağı waqıtta da jalğasın tappaq. 

 

 

Joğarı qaray