Aýa raıy
Astana 5 °S
Almaty 11 °S
valıýta baǵamy
USD 389.81
EUR 430.27
RUB 6.06
CNY 54.91

Qostanaıda «Óner barysy» anyqtaldy

2019 jyldyń 21 sáýir 2019 23:47

QOSTANAI. QazAqparat - Qostanaıda ekinshi ret mádenıet, óner salasynda júrgen azamattar arasynda «Óner barysy» týrnıri ótti, dep habarlaıdy QazAqparat.

Oblystyq mádenıet jáne sport basqarmalarynyń qoldaýymen ótken bıyl 30-ǵa jýyq áýesqoı palýan tirkelgen. Oblystyq mádenıet basqarmasynyń basshysy Erlan Qalmaqovtyń sózinshe, jarys ekinshi jyl qatarynan qaıyrymdylyq maqsatta uıymdastyrylyp otyr.

«Bul jobaǵa oblystyq qazaq drama teatrynyń ártisi Tólendi Álqoja bastamashy boldy. Mádenıet basqarmasy ártistiń bul usynysyn qoldady. 1-2 aı daıyndalyp, mádenıet jáne óner qyzmetkerleriniń kúnine oraılastyryp ótkizdik. Osyndaı aýqymdy jarystyń basqa óńirlerde, ásirese, Nur-Sultan qalasynda ótkenine qýanyshtymyz. Bul «Óner barysynyń» jańa deńgeıde shyqqany dep bilemiz. Eń bastysy, atalǵan týrnır «Rýhanı jańǵyrý» baǵdaralamasymen mazmundas», - deıdi basqarma basshysy.




Byltyrǵy jarystan túsken qarjy Torǵaı selosynyń kishkentaı turǵyny Aqerke Jeksenbaıǵa kóp fýnktsıaldy estý apparatyn satyp alý úshin jumsalǵanyn aıta keteıik.

Sonymen, eki topqa bólinip beldesken palýandar arasynda 74 kelge deıingi salmaqta Qýanysh Ábilev birinshi oryndy jeńip aldy. Ekinshi oryndy Esbol Jatqanov enshiledi. Úshinshi orynǵa Qanat Rajanov jaıǵasty. Al aýyr salmaqta beldesken top arasynan Ádilhan Seıilhan sýyrylyp alǵa shyǵyp, «Óner barysy» beldigin jeńip aldy. Nurmuhamed Serikbaev tıisinshe ekinshi oryndy enshilese, Eldar Balahanov júlde kómbesiniń úshinshi satysyna kóterildi.




«Osy týrnırge qatysý arqyly ónerpazdardyń sporttan alshaq emes ekenin baıqaýǵa bolady. Bir jaǵynan, salamatty ómir saltyn nasıhattaýǵa úles qosyp kelemiz dep oılaımyn. Bastysy, jarysqa qatysý edi. Baǵym janyp birinshi oryndy ıelendim.Bárinen buryn jarystyń qaıyrymdylyq maqsatta ótkizilgeni qýantady», - deıdi qostanaılyq «Óner barysy».

Ideıa avtory Tólendi Álǵojınniń aıtýynsha, bul týrnır dástúrli túrde jyl saıyn ótkiziledi.

Aıta keteıik, «Óner barysy» respýblıkalyq týrnıriniń aýyr salmaqtaǵy bas júldesin Syrymbet Bıbosynov jeńip alǵan edi.

Joǵary qaraı