Awa rayı
Nur-Sultan 12 °S
Almatı 16 °S
valyuta bağamı
USD 379.36
EUR 424.47
RUB 5.88
CNY 54.95

Qostanayda «Öner barısı» anıqtaldı

2019 jıldıñ 21 säwіr 2019 23:47 862

QOSTANAY. QazAqparat - Qostanayda ekіnşі ret mädenïet, öner salasında jürgen azamattar arasında «Öner barısı» twrnïrі öttі, dep xabarlaydı QazAqparat.

 Oblıstıq mädenïet jäne sport basqarmalarınıñ qoldawımen ötken bïıl 30-ğa jwıq äwesqoy palwan tіrkelgen. Oblıstıq mädenïet basqarmasınıñ basşısı Erlan Qalmaqovtıñ sözіnşe, jarıs ekіnşі jıl qatarınan qayırımdılıq maqsatta uyımdastırılıp otır.

«Bul jobağa oblıstıq qazaq drama teatrınıñ ärtіsі Tölendі Älqoja bastamaşı boldı. Mädenïet basqarması ärtіstіñ bul usınısın qoldadı. 1-2 ay dayındalıp, mädenïet jäne öner qızmetkerlerіnіñ künіne oraylastırıp ötkіzdіk. Osınday awqımdı jarıstıñ basqa öñіrlerde, äsіrese, Nur-Sultan qalasında ötkenіne qwanıştımız. Bul «Öner barısınıñ» jaña deñgeyde şıqqanı dep bіlemіz. Eñ bastısı, atalğan twrnïr «Rwxanï jañğırw» bağdaralamasımen mazmundas», - deydі basqarma basşısı.



Bıltırğı jarıstan tüsken qarjı Torğay selosınıñ kіşkentay turğını Aqerke Jeksenbayğa köp fwnkcïaldı estw apparatın satıp alw üşіn jumsalğanın ayta keteyіk.

Sonımen, ekі topqa bölіnіp beldesken palwandar arasında 74 kelge deyіngі salmaqta Qwanış Äbіlev  bіrіnşі orındı jeñіp aldı. Ekіnşі orındı Esbol Jatqanov enşіledі. Üşіnşі orınğa Qanat Rajanov jayğastı. Al awır salmaqta beldesken top arasınan Ädіlxan Seyіlxan swırılıp alğa şığıp, «Öner barısı» beldіgіn jeñіp aldı. Nurmuxamed Serіkbaev tïіsіnşe ekіnşі orındı enşіlese, Eldar Balaxanov jülde kömbesіnіñ üşіnşі satısına köterіldі.



«Osı twrnïrge qatısw arqılı önerpazdardıñ sporttan alşaq emes ekenіn bayqawğa boladı. Bіr jağınan, salamattı ömіr saltın nasïxattawğa üles qosıp kelemіz dep oylaymın. Bastısı, jarısqa qatısw edі. Bağım janıp bіrіnşі orındı ïelendіm.Bärіnen burın jarıstıñ qayırımdılıq maqsatta ötkіzіlgenі qwantadı», - deydі qostanaylıq «Öner barısı».

Ïdeya avtorı Tölendі Älğojïnnіñ aytwınşa, bul twrnïr dästürlі türde jıl sayın ötkіzіledі.

Ayta keteyіk, «Öner barısı» respwblïkalıq twrnïrіnіñ awır salmaqtağı bas jüldesіn Sırımbet Bïbosınov jeñіp alğan edі.

 

 

 

 

Avtor: Qasqırbay Qoyşımanov
Bastı sözder: Sport, Qostanay oblısı,
Joğarı qaray