Aýa raıy
Astana 7 °S
Almaty 12 °S
valıýta baǵamy
USD 389.98
EUR 434.01
RUB 6.10
CNY 55.04

Qostanaıda kópbalaly otbasylarǵa kómek kórsetetin joba bastaldy

2019 jyldyń 18 aqpan 2019 19:12

QOSTANAI. QazAqparat - Elbasynyń tapsyrmasy boıynsha «Nur Otan» partııasy kópbalaly, áleýmettik jaǵynan az qamtylǵan otbasylardy qoldaýǵa baǵyttalǵan «Baqytty otbasy» jobasyn bastady,dep habarlaıdy QazAqparat.

Aıta keteıik, partııalyqtardyń bul jobasy buryn da júrgizilip kelgen, biraq qazir ol júıeli túrde iske aspaq. Búgin osy bastama aıasynda «Nur Otan» partııasy oblystyq fılıalynyń qyzmetkerleri, ákimdiktiń ókilderi, janashyr azamattar birlesip, kómekke muqtaj kópbalaly otbasylarǵa qol ushyn berdi.

«Osy «Baqytty otbasy» jobasy aıasynda partııanyń barlyq fılıalyndaǵy qoǵamdyq qabyldaý bólmelerinde 20 aqpannan bastap kópbalaly, az qamtylǵan otbasylarǵa keshendi kómek kórsetiledi. Soǵan baılanysty «Biryńǵaı áleýmettik tereze» jumysy uıymdastyrylady. Munda kelýshiler áleýmettik járdemaqy alýdyń tetikterin, jumysqa ornalasý, turǵyn úı járdemaqylary, psıhologııalyq kómek, zańnamalyq keńester jáne memlekettik qoldaýdyń basqa da túrlerin bir jerden ala alady»,- dedi «Nur Otan» QOF tóraǵasynyń birinshi orynbasary Jańabaı Bısımbaev agenttik tilshisine.

Ataýly kómekke ıe bolǵandardyń ishinde bes balany tárbıelep otyrǵan Saltanat Baıahmetova da bar. Ol 16 jyl boıy páter jaldap turady.

«Bizge memleket árqashan kómektesedi. Aı saıynǵy kómekti alamyz, balalar mektepte tegin tamaqtanady. Qazir kómir ákelip kómektesip otyr. Bul bizge úlken kómek. Óıtkeni, kómirdiń qazirgi baǵasyn esepke alsaq, aı saıyn bas-aıaǵy 130 myń teńge ketedi», - deıdi kópbalaly ana.

Sonymen qatar, qala turǵyny, 4 balanyń anasy Galına Oljabaevaǵa da kómek kórsetildi.

«Búgin bizge qońyraý shalyp, kómir men azyq-túlik ákelinetinin aıtty. Men qatty qýandym. Qazir jumys istemeımin, biraq izdestirip jatyrmyn. Memleketten alatyn ataýly áleýmettik kómek mólsheri - 40 myń teńge, taǵy 10 myń teńgeni kópbalaly ana retinde alamyn. Qazirgi ýaqytta bári qymbat qoı. Tapqanymyzdy jetkizýge tyrysamyz»,- deıdi Galına.

Jańabaı Bısımbaev atap ótkendeı, aldaǵy ýaqytta da qatty otynǵa, azyq-túlikke zárý otbasylarǵa kómek kórsetiledi. Sondaı-aq, peshpen jaǵylatyn úılerge gaz qondyrǵylary ornatylatyn bolady.




null


null

Joǵary qaraı