Aýa raıy
Astana 10 °S
Almaty 15 °S
valıýta baǵamy
USD 389.98
EUR 434.01
RUB 6.10
CNY 55.04

Qostanaıda Qazaqstan men Reseı jastarynyń forýmy bastaldy

2019 jyldyń 20 mamyr 2019 14:42

QOSTANAI. QazAqparat - Qostanaıdaǵy Jastar saraıynyń saltanatty ashylýyna oraı Qazaqstan men Reseı jastarynyń yntamaqtastyq forýmy bastaldy, dep habarlaıdy QazAqparat tilshisi.

Búgin Jastar saraıyna Qazaqstan men Reseıden kelgen myńnan astam jas jınaldy.

Munda kórme stendteri men jastar jobalarynyń tusaýkeser aımaqtary ornalasqan. Forým taqyryby jastardyń erikti jobalarǵa qatysýyna arnaldy. Yntymaqtastyqty arttyrýǵa múddeli eki eldiń qoǵamdyq uıymdarynyń ókilderi óz jobalaryn tanystyrady,halyqaralyq dárejedegi bastamalar týraly aıtyp, eriktilik salasyndaǵy úzdik tájirıbelerimen almasady.

Oblys ákimi Arhımed Muhambetov pen QR Aqparat jáne qoǵamdyq damý mınıstri Dáýren Abaev Jastar saraıynyń kórme pavılonynyń jumysymen tanysty.

Arhımed Muhambetov forýmǵa kelgen qonaqtarǵa alǵys aıtyp, jumys josparymen tanystyrdy.

«Eki eldiń kóp jyldyq yntymaqtastyǵy men áriptestiginiń arqasynda búgin biz mańyzdy is-sharany uıymdastyryp otyrmyz. Bizdiń jastarymyz dástúr men ult sabaqtastyǵyn saqtaýda aıryqsha jumys atqaryp keledi. Búginde Qostanaı oblysynda 170 myńnan astam jas ómir súredi. Óz kezeginde oblysta olardyń jan-jaqty damýy úshin barlyq jaǵdaı jasalýda. Osy forýmda óńirdegi tyń jobalarmen tanys bolasyzdar»,- dedi Arhımed Muhambetov.



null

Aıta keteıik, forým qarsańynda, 14-16 mamyr kúnderi Qostanaı oblysy men Qorǵan óńiriniń eriktileri Tobyl ózeniniń jaǵasyn tazalady. «ECO-challenge Qostanai» aktsııasyna Qamysty, Jitiqara, Taran, Denısov, Qostanaı aýdandary men Rýdnyı, Lısakov qalalarynyń jastary atsalysqan bolatyn. Atalmysh aktsııa búgin de jalǵasyn tappaq. Bul sharaǵa Dáýren Abaev qatysady dep kútilýde.




null

Joǵary qaraı