Awa rayı
Nur-Sultan 16 °S
Almatı 22 °S
valyuta bağamı
USD 382.38
EUR 428.30
RUB 5.97
CNY 55.39

Qostanayda Qazaqstan men Resey jastarınıñ forwmı bastaldı

2019 jıldıñ 20 mamır 2019 14:42 693

QOSTANAY. QazAqparat - Qostanaydağı Jastar sarayınıñ saltanattı aşılwına oray Qazaqstan men Resey jastarınıñ ıntamaqtastıq forwmı bastaldı, dep xabarlaydı QazAqparat tіlşіsі.

Bügіn Jastar sarayına Qazaqstan men Reseyden kelgen mıñnan astam jas jïnaldı.

Munda körme stendterі men jastar jobalarınıñ tusawkeser aymaqtarı ornalasqan. Forwm taqırıbı jastardıñ erіktі jobalarğa qatıswına arnaldı. Intımaqtastıqtı arttırwğa müddelі ekі eldіñ qoğamdıq uyımdarınıñ ökіlderі öz jobaların tanıstıradı,xalıqaralıq därejedegі bastamalar twralı aytıp, erіktіlіk salasındağı üzdіk täjіrïbelerіmen almasadı.

Oblıs äkіmі Arxïmed Muxambetov pen QR Aqparat jäne qoğamdıq damw mïnïstrі Däwren Abaev Jastar sarayınıñ körme pavïlonınıñ jumısımen tanıstı.

Arxïmed Muxambetov forwmğa kelgen qonaqtarğa alğıs aytıp, jumıs josparımen tanıstırdı.

«Ekі eldіñ köp jıldıq ıntımaqtastığı men ärіptestіgіnіñ arqasında bügіn bіz mañızdı іs-şaranı uyımdastırıp otırmız. Bіzdіñ jastarımız dästür men ult sabaqtastığın saqtawda ayrıqşa jumıs atqarıp keledі. Bügіnde Qostanay oblısında 170 mıñnan astam jas ömіr süredі. Öz kezegіnde oblısta olardıñ jan-jaqtı damwı üşіn barlıq jağday jasalwda. Osı forwmda öñіrdegі tıñ jobalarmen tanıs bolasızdar»,- dedі Arxïmed Muxambetov.


null 

Ayta keteyіk, forwm qarsañında, 14-16 mamır künderі Qostanay oblısı men Qorğan öñіrіnіñ erіktіlerі Tobıl özenіnіñ jağasın tazaladı. «ECO-challenge Qostanai» akcïyasına Qamıstı, Jіtіqara, Taran, Denïsov, Qostanay awdandarı men Rwdnıy, Lïsakov qalalarınıñ jastarı atsalısqan bolatın. Atalmış akcïya bügіn de jalğasın tappaq. Bul şarağa Däwren Abaev qatısadı dep kütіlwde.



null 

 

Joğarı qaray