Aýa raıy
Astana 8 °S
Almaty 13 °S
valıýta baǵamy
USD 389.62
EUR 429.98
RUB 6.06
CNY 55.08

Qostanaıda esirtki jarnamalaǵan saıt buǵattaldy

2019 jyldyń 17 sáýir 2019 17:33

QOSTANAI. QazAqparat - Qostanaı qalasyndaǵy avtokólik satýǵa arnalǵan saıt sot sheshimimen zańsyz dep tanyldy, dep habarlaıdy QazAqparat oblystyq sottyń baspasóz qyzmetine silteme jasap.

Qostanaı qalalyq sotyna ınternet jelisindegi kólik satý saıtyn zańsyz dep taný, Qazaqstan Respýblıkasy aýmaǵyndaǵy qyzmetin toqtatý týraly aryzymen qala prokýrory júgindi.

«Talap negizinde osy saıttyń QR aýmaǵyndaǵy barlyq ınternet qoldanýshylarynyń erkin qol jetkizý múmkindigi bar ekeni kórsetilgen. Qazaqstan Respýblıkasynyń zańnamalyq aktilerine qarsy keletin málimetterdi qamtıtyndyǵyna, ıaǵnı, onda esirtki, psıhotroptyq zattar men olardyń analogtaryn satý, tásili, ázirleý ádisi, daıyndaý, paıdalaný jáne tyıym salynǵan zattardy satyp alý oryndary ashyq nasıhattalatyny dáleldengen. Joǵaryda atalǵan saıttyń is-áreketteri Qazaqstan Respýblıkasynyń zańnamasyna tikeleı qaıshy keletindigine, sonymen qatar, azamattardyń densaýlyǵyna qaýip tóndiretinine baılanysty, sot Qostanaı qalasy prokýrorynyń atalǵan saıtty zańsyz dep taný negizindegi aryzyn qanaǵattandyrdy», - delingen oblystyq sottyń baspasóz habarlamasynda.

Sot kólik satý saıtynyń qyzmetin toqtatý jáne QR aýmaǵynda taralýyna tyıym salý týraly sheshim shyǵardy.

Joǵary qaraı