Awa rayı
Astana -11 °S
Almatı -6 °S
valyuta bağamı
USD 371.56
EUR 422.43
RUB 5.56
CNY 53.51

Qostanayda 27 mıñ jaldamalı jumısşı medsaqtandırw jüyesіne tіrkelmegen

2018 jıldıñ 21 qırküyek 2018 19:19 106

QOSTANAY. QazAqparat - Qostanayda 285 mıñ adam memlekettіk kіrіs organdarına şağın käsіpkerlіk, nätïjelі jumıspen qamtw swbektіsі retіnde tіrkeldі. Bul twralı oblıstıq jumıspen qamtwdı üylestіrw jäne älewmettіk bağdarlamalar basqarması bastığınıñ orınbasarı Aïda Qusayınova mälіm ettі, dep xabarlaydı QazAqparat.    

Özderіñіzge belgіlі, bıltır elіmіzde mіndettі älewmettіk medïcïnalıq saqtandırw jüyesі engіzіldі. Osığan baylanıstı oblısta azamattardıñ märtebesіn anıqtaw jumıstarı jürіp jatır. Oblıs öñіrlerіnde äkіmdіkter men jumıspen qamtw qızmetіnіñ ökіlderі, wçaskelіk ïnspektorlardan jumısşı tobı jasaqtalğan.        

«Bіzdіñ mіndetіmіz - üy-üydі aralaw arqılı azamattardıñ märtebesіn naqtılaw. Osı arqılı mіndettі älewmettіk medïcïnalıq saqtandırw qorına qarjı awdarwğa qawqarsız azamattarmen tolıqqandı jumıs іsteymіz. Bügіnde oblısta osınday 322 mıñ adam anıqtaldı. Atqarılğan jumıstardıñ nätïjesіnde 285 mıñ adam memlekettіk kіrіs organdarına şağın käsіpkerlіk, nätïjelі jumıspen qamtw swbektіsі retіnde tіrkeldі»,-deydі A.Qusayınova.         

Qostanay oblısında 37 mıñ adamnıñ märtebesі naqtılanbağan. Olardıñ 6,5 payızı jaldamalı jumısta іsteydі. 16 mıñğa jwığı özіn-özі jumıspen qamtïdı. Al 5,5 adam basqa elderge qonıs awdarğan. Budan bölek, 7 mıñ äyel üy şarwasında. 

«Qazіr basqarma özіn-özі jumıspen qamtıp otırğan 16 mıñ adammen belsendі türde jumıs іstep jatır. Olardı jumısqa ornalastırw maqsatında tïіstі mekemelerge xabarlasw usınıldı. Al tek otbasılıq şarwaşılıqpen aynalısatın jandarmen memlekettіk kіrіs organdarı jumıs іsteydі»,-deydі basqarma bastığınıñ orınbasarı.        

Sonday-aq, oblıs boyınşa 1400 adamnıñ stwdenttіk märtebesі anıqtalğan joq. Aïda Qusayınova bіlіm mïnïstrlіgі tarapınan tïіstі jumıstar atqarılıp jatqanın ayttı. Eñbek ïnspekcïyası osınday 27 mıñ jaldamalı jumısşığa eskertw qağazın jіberdі. Budan bılay medïcïnalıq qızmet tek saqtandırılğan azamattarğa körsetіledі. Xalıq osını uğınsa deydі mamandar. Sondıqtan, öñіrlerde aqparattıq-nasïxat jumıstarı jalğasın tabadı.

 

 

Joğarı qaray