Awa rayı
Astana -1 °S
Almatı 4 °S
valyuta bağamı
USD 330.22
EUR 388.07
RUB 5.60
CNY 49.93

Qostanayda 19 tärtіp saqşısı paramen ustaldı

2017 jıldıñ 13 qazan 2017 00:41 612

QOSTANAY. QazAqparat - Qostanay oblısında öz lawazımın asıra paydalanıp, para alw mäselelerі jol kölіk oqïğalarında jïі kezdesedі. Bul twralı memlekettіk qızmet іsterі jäne sıbaylas jemqorlıqqa qarsı іs-qïmıl agenttіgіnіñ oblıstıq departamentі basşısı Erlan Salıqbaev mälіm ettі, dep xabarlaydı QazAqparat tіlşіsі.

Elіmіzdegі memlekettіk sayasattıñ bastı bağıttarınıñ  bіrі - jemqorlıqpen küres. Osı taqırıp boyınşa ötken bügіngі jïınğa  memlekettіk qızmettegі lawazımdı tulğalar men іşkі іster bölіmderіnіñ qızmetkerlerі qatıstı.

«Bіzdіñ departament mamandarı är toqsan sayın xalıq arasında monïtorïng jürgіzedі. Qolda bar derekterge süyensek, bügіnderі іşkі іster bölіmі qızmetkerlerі arasında jemqorlıq faktіlerі köp kezdesedі», - dedі Erlan Salıqbaev.

Jïında aytılğanday, jıl basınan berі para alğan 19 tärtіp saqşısı jawapqa tartılğan. Onıñ 15-nіñ іsі  sotta qaralıp, 8-і bas bostandığınan ayırıldı.

Degenmen, jergіlіktі turğındar arasında jürgіzіlgen monïtorïng öñіrdegі jemqorlıq faktіsіnіñ ötken jılmen salıstırğanda 36 payızğa azayğanın körsetіp otır. Qoğam dertіnіñ aldın alw maqsatında uyımdastırılğan osınday şaralar oñ nätïje berwі tïіs deydі departament basşısı.

 

 

Pіkіr qaldırw

Joğarı qaray