Awa rayı
Nur-Sultan 16 °S
Almatı 16 °S
valyuta bağamı
USD 379.59
EUR 429.43
RUB 5.91
CNY 56.58

Qostanay oblısında analogtıq xabar taratw toqtatıladı

2019 jıldıñ 26 nawrız 2019 17:00 454

QOSTANAY. QazAqparat - Qostanay oblısı cïfrlıq efïrlіk teleradïo xabarların taratwğa köşedі, dep xabarlaydı QazAqparat.

Osı jazda Qostanay öñіrі analogtıq teledïdardan tolığımen ajıratıladı. Bul twralı Qostanay oblıstıq teleradïo xabarların taratw dïrekcïyasınıñ Bas ïnjenerі Anatolïy Tyutyunnïk xabarladı.

«2019 jılı Almatı, Pavlodar jäne Qostanay oblısı cïfrlıq efïrlіk xabar taratwğa tolıq ötedі dep josparlanıp otır. Al, 2020 jıldıñ soñına deyіn Şığıs Qazaqstan, Soltüstіk Qazaqstan, Qarağandı, Atıraw, Qızılorda oblısında analogtı xabar taratw toqtatıladı. Endі şalğay awıldardıñ turğındarı teledïdardı eñ joğarı sapada tegіn köre aladı. Soğan baylanıstı xalıq arasında aqparat-nasïxattıq jumıstar jürgіzw qajet. Qostanay oblısında analogtı telexabar taratwdı ajıratw jäne cïfrlıq xabardı sättі qosw maqsatında 59 radïo-televïzïyalıq stansa salındı. Bul oblıs turğındarınıñ 98%-іn cïfrlıq teleradïo xabarların taratwmen qamtwğa mümkіndіk beredі», - dedі Anatolïy Tyutyunnïk.

Onıñ aytwınşa, Qostanay oblısında 627 eldі meken bar. Barlığı 49 awılğa texnïkalıq mümkіndіkterge baylanıstı sapalı xabar taratılmaydı. Olar arnayı sïgnal qabıldaw aymağına kіrmeydі.

«Osılayşa, 2 mıñğa jwıq üy şarwaşılığınıñ sandıq efïrlіk telexabar taratw jüyesіne qosılw mümkіndіgі joq. Degenmen olar OTAU TV ulttıq operatorınıñ jerserіktіk teledïdarına qosıla aladı. Qazіr oblısta munday 50 mıñ abonent bar», - deydі ol.

Bügіnde oblıstıq jäne awdandıq äkіmdіkter atawlı älewmettіk kömek alatın barlıq otbasılardı sapalı xabar taratw jüyesіmen qamtamasız etw üşіn qajettі şaralar qabıldawda. Öñіrіmіzde 687 az qamtılğan nemese köpbalalı otbasığa sandıq xabar taratw resïverі tegіn berіledі.

 

 

Joğarı qaray