Aýa raıy
Astana 9 °S
Almaty 3 °S
valıýta baǵamy
USD 389.59
EUR 429.06
RUB 6.05
CNY 55.07

Qostanaı oblysynda 5,3 mln gektarǵa egin egiledi

2019 jyldyń 19 mamyr 2019 02:16

QOSTANAI. QazAqparat - Bıyl Qostanaıda 5,3 mln gektar egis alańyna dán egiledi, dep habarlaıdy QazAqparat oblystyq aýyl sharýashylyǵy basqarmasynyń bas mamany Nursultan Qabdelovke silteme jasap.

Kóktemgi dala jumystaryn ońtaıly merzimde aıaqtaý úshin egis alqaptarynda dán sebý jumystary qyzý júrip jatyr. Bıyl maıly daqyldar alqaby 46 myń gektarǵa ulǵaıtyldy. Alqaptardy ártaraptandyrýdyń naryq qajettiligi ekenin sharýalar jaqsy biledi. Sondyqtan, raps, zyǵyr, kúnbaǵys egýge basymdyq berilgen. Aýyl sharýashylyǵy basqarmasyndaǵylardyń sózinshe, dán sebý jumystaryna 23 myń traktor, ónimdiligi joǵary 900 tehnıka tartylǵan.

«Egis alqaptaryn ártaraptandyrý jumystary jylma-jyl qarqyn alyp keledi. Nátıjesinde 475 myń gektarǵa maıly daqyldar egiledi. Sonymen qatar mal azyǵyna arnalǵan shabyn jerler 50 myń gektarǵa ulǵaıdy. Byltyr 215 myń gektardan shóp túıilgen bolatyn», - dedi Nursultan Qabdelov.

Jalpy, osy jyly egis alańynyń aýmaǵy shamamen 5,3 mln gektarǵa teń. Onyń 70% jýyǵy bıdaıǵa tıesili. Kókónis pen kartop alqaby da ulǵaıtylady. Búginde egis alqaptarynyń birazy ıgerildi.

Egis naýqanyna 23 myń traktor, 22 myń dán sepkish, 913 joǵary ónimdi egin egý keshenderi tartylǵan. Kóktemgi dala jumystaryn agrotehnıkalyq talaptarǵa saı júrgizý úshin sharýalarǵa memleket tarapynan járdem jasaldy. Arzandatylǵan baǵamen 71 myń tonna janar-jaǵarmaı bólinbek. Bir lıtrdiń baǵasy - 183 teńge.

«Qazirge deıin oblysqa 46 myń tonna dızel otyny jetkizildi. Dándi ońtaıly merzimde sebý - mol ónim alýdyń kepili. Byltyr 680 myń tonna bıdaı syrtqy naryqqa jóneltildi. Negizgi eksportalatyn memleketter tiziminde Reseı, Ózbekstan, Qyrǵyzstan, Aýǵanstan, Iran elderi bar», - deıdi N.Qabdelov.

2018 jyly aımaq agrarııleri el qambasyna 5 mln gektar astyq quıǵan bolatyn. Dıqandar qaýymy bıyl da eginniń bitik shyǵatynyna bek senimdi.

Joǵary qaraı