Aýa raıy
Astana 11 °S
Almaty 17 °S
valıýta baǵamy
USD 389.52
EUR 429.21
RUB 6.07
CNY 54.94

Qostanaı emhanalary qujattardy zańsyz suratyp kelgen

2019 jyldyń 21 sáýir 2019 13:29

QOSTANAI. QazAqparat - Qostanaı qalasyndaǵy emhanalar turǵyndardan qujattardy zańsyz suratyp kelgen, dep habarlaıdy QazAqparat.

015-2025 jyldarǵa arnalǵan sybaılas jemqorlyqqa qarsy strategııany iske asyrýdy taldaý jáne baǵalaý arnaıy monıtorıngtik tobynyń basshysy Dınara Ótebaeva aıtqandaı, oblystyń barlyq aýdan-qalasynda «jasyryn satyp alýshy» ádisimen zertteý júrgizildi. Munyń maqsaty - memlekettik qyzmetterdi usynatyn uıymdarda sybaılas jemqorlyq táýekelderi men ákimshilik kedergilerdi anyqtaý. Byltyr 177 mekemede zertteý jumystary júrgizilip, 237 quqyqbuzýshylyq anyqtaldy.

«Jasyryn satyp alýshy» ádisimen júrgizilgen zertteý nátıjesinde, narkologııalyq jáne psıhonevrologııalyq uıymdardan anyqtamalar berý kezinde óreskel zań buzýshylyqtar anyqtaldy. Máselen, atalǵan uıymdardaǵy anyqtamalar ótken jyldyń jeltoqsan aıynyń ortasynan bastap memlekettik korporatsııa jáne «Elektrondyq úkimet» veb-portaly arqyly tegin berilýi tıis.

Alaıda, osy uıym anyqtama berýdi aqyly negizde jalǵastyryp kelgen. Olar barlyǵy 7300 anyqtama bergen. Halyqtan osy anyqtamalar úshin 3,5 mln teńge alǵan. Atalǵan faktiler boıynsha densaýlyq saqtaý basqarmasyna aqsha qarajatyn qaıtarý týraly usynys jiberildi», - dedi D.Ótebaeva.

Búginde kólik quralyn basqarý úshin beriletin anyqtamalardyń tártibi ózgergen. Biraq, emhanalar bul ózgertýlerge mán bermeı otyr. Mysaly, Qostanaı qalasyndaǵy №1, №3 emhanalar turǵyndardan jeke kýálikpen qosa 3h4 fotosýretin suratqan. Degenmen, bul zańǵa qaıshy. Turǵyndar bar bolǵany jeke kýáligin kórsetýi tıis.

«Mundaı jaǵdaılar «Kóktem-3» jáne «Jemchýjına» medıtsınalyq ortalyqtarynda da tirkeldi. Buǵan qosa qyzmetkerler turǵyndardyń mekenjaı anyqtamasyn talap etken.

Sondaı-aq, Qostanaı qalasynyń №1, 2, 3, 4 emhanalarynda elektrondyq kezek joq, kelýshilerge qyzmet kórsetý «tiri» kezek tártibimen júzege asyrylady. Muny retke keltirýdi usynamyz», - deıdi Dınara Ótebaeva monıtorıngti top jumysyn qorytyndylap.

Joǵary qaraı