Aýa raıy
Astana 1 °S
Almaty 6 °S
valıýta baǵamy
USD 388.70
EUR 428.70
RUB 6.08
CNY 55.46

Qorǵanys mınıstrligi qolynan aıyrylǵan sarbazǵa qatysty málimdeme jasady

2019 jyldyń 16 qazan 2019 18:46

NUR-SULTAN. QazAqparat – QR Qarýly Kúshteri Bas shtaby bastyǵynyń orynbasary, general-maıor Ádilbek Aldabergenov jazda «Beket ata» oqý polıgonynda jarylǵan granatadan jaraqat alǵan eki sarbazǵa qatysty mán-jaıdy túsindirdi, dep habarlaıdy QazAqparat tilshisi Qorǵanys mınıstrliginiń resmı saıtyna silteme jasap.

«Qoldaǵy bar málimetterge sensek, 2019 jyldyń 17 shildesinde sabaq kestesine sáıkes «Beket ata» oqý-jattyǵý polıgonynda jeke qurammen arnaıy oqý-jattyǵý júrgizildi. Baılanysshy, merzimdi qyzmettegi qatardaǵy jaýynger Koshlev oqý-jattyǵý ornynda baılanysshylarǵa jabdyqty kórsetý úshin tartylǵan bolatyn. Eshqandaı jaýyngerlik tapsyrmany oryndaýy tıis emes edi», - dedi Ádilbek Aldabergenov.

Onyń aıtýynsha, sabaqqa daıarlyq kezinde Koshlev árbir áskerı qyzmetshi bilýi tıis ereje - buıryqsyz eshqandaı is-qımyl jasaýǵa bolmaıtynyn bile tura buıryq berilmese de, basqa oqý núktesine qoıylǵan oq-dárige jaqyndap, F-1 granatasyn qolyna alǵan.

«Tutandyrǵyshyn burap, granata jarǵysh muryndyǵyn tartyp, tetigin iske qosty. Dybysyn estip, Tadiran radıostantsııasynyń astyna salyp jiberdi. Koshlevpen birge qyzmet atqaryp júrgenderdiń sózine sensek, oǵan granatanyń jaýyngerlik ekeni eskertilgen. Jarylys saldarynan radıostantsııanyń aldyndaǵy qatardaǵy jaýyngerler Koshlev pen Jamanbaev jaralanǵan. Jaqyn mańdaǵy basqa áskerı qyzmetshiler zardap shekpegenimen, olarǵa da qaýip tóngen. Zardap shekken Koshlev pen Jamanbaevqa barlyq qajetti medıtsınalyq jáne psıhologııalyq bilikti qyzmet kórsetildi. Granatanyń jarylý faktisi boıynsha ІІM Áskerı tergeý basqarmasy birden qylmystyq is qozǵady. Tergeý sharalary júrgizilýde. ІІM Áskerı tergeý basqarmasynyń suraýy boıynsha áskerı bólim keltirgen zalaldyń baǵasy berildi. Kelgen zalaldyń ornyn toltyrý boıynsha suraqtar Qorǵanys mınıstrliginiń quziretine jatpaıdy. Sheshimdi sot qabyldaıdy», - deıdi ol.

Sonymen birge, 2019 jylǵy 23 shildede ártúrli deńgeıdegi jaýapty komandırlerdiń tarapynan qyzmettik mindetterdi tıisti oryndamaý faktisi boıynsha qylmystyq is qozǵalǵany da habarlandy.

«Qosymsha Qarýly kúshterdiń ishki qyzmet Jarǵysyn buzý faktisi tekserilýde. Osy jaǵdaıdaǵy áskerı qyzmetshilerdiń is-áreketterin obektıvti baǵalaý – osyndaı fakttarǵa budan ary jol bermeý úshin qajet», - dedi Ádilbek Aldabergenov.

Eske sala ketsek, osy jazda Mańǵystaý oblysynyń Beıneý aýdanynda ornalasqan №99116 áskerı bóliminiń merzimdi qyzmettegi eki sarbazy jarylǵan granatadan jaraqat alǵan bolatyn.

Joǵary qaraı