Aýa raıy
Astana 16 °S
Almaty 11 °S
valıýta baǵamy
USD 386.82
EUR 428.67
RUB 5.86
CNY 54.95

Qorǵanys mınıstri Armııalyq halyqaralyq oıyndarǵa ázirlikti tekserdi

2019 jyldyń 12 shilde 2019 20:50 376

NUR-SULTAN. QazAqparat - Otar 40-shy áskerı bazasynda Nurlan Ermekbaev baıqaýlardyń ótkizilý oryndaryn, qatysýshy komandalardyń turýy jaǵdaılaryn, marshrýttardyń ornalasýyn tekserdi, dep habarlaıdy QazAqparat.

Áskerı vedomstvo basshysy oıyndardy ótkizýge daıyndyq jumystarynyń odan ári sapaly oryndalýy boıynsha uıymdastyrýǵa jaýapty adamdarǵa birqatar naqty tapsyrmalar qoıdy.

Odan basqa, Nurlan Ermekbaev qarý-jaraq pen áskerı tehnıkanyń tehnıkalyq jaı-kúıin tekserdi. Sondaı-aq Qorǵanys mınıstrine tank ekıpajdarynyń, ushqyshsyz ushatyn apparattar eseptoptarynyń, baılanysshylar men artıllerııashylardyń jattyǵýlary kórsetildi. Áskerı qyzmetshilermen kezdese otyryp, ol saıysta sáttilik pen joǵary deńgeıdegi óner kórsetýdi tiledi.


null 

Bıylǵy jyly Armııalyq halyqaralyq oıyndar aıasynda Qazaqstan aýmaǵynda «Suńqar ańshylyǵy», «Artıllerııalyq oq atý sheberleri» jáne áskerı baılanysshylardyń «Senimdi qabyldaý» baıqaýlary ótedi. Oǵan Ázerbaıjan, Armenııa, Belorýssııa, Venesýela, Mysyr, Iran, Qyrǵyzstan, Sırııa jáne Ózbekstannyń áskerı qyzmetshileri qatysady. 32 baıqaýdyń ishinen Qazaqstan Qarýly Kúshteriniń áskerı qyzmetshileri 16 baıqaýǵa qatysady.

Anyqtamalyq: Armııalyq halyqaralyq oıyndar alǵash ret 2015 jyly Reseı Federatsııasynyń aýmaǵynda ótkizildi. Saıysqa 17 elden - Ázerbaıjan, Angola, Armenııa, Belorýssııa, Venesýela, Mysyr, Úndistan, Qazaqstan, Qyrǵyzstan, Qytaı, Kýveıt, Mońǵolııa, Nıkaragýa, Pákistan, Reseı, Serbııa jáne Tájikstannan 56 komanda qatysty.

Ekinshi ret oıyndar 2016 jyly ótkizildi. Saıys 20 polıgonda úsh teńizdiń sý aıdynynda ótti. Oıynǵa qatysýshylardyń jalpy sany 3 myńǵa jýyq adamdy qurady. 23 baıqaýǵa 19 elden 121 komanda qatysty. Alǵash ret 2016 jyly «Mergen shebi» jáne «Artıllerııalyq oq atý sheberleri» baıqaýlary Qazaqstannyń aýmaǵynda uıymdastyryldy.


null 

2017 jyly úshinshi halyqaralyq oıyndarǵa 28 eldiń 150 komandasyn quraǵan 4,5 myńnan asa áskerı qatysty. 2017 jylǵy halyqaralyq oıyndardyń baǵdarlamasyna bes jańa saıys, ıaǵnı, «Tártip saqshylary», «Áskerı rallı», «Dostastyq jaýyngeri», «Ushqyshsyz ushatyn apparattar eseptoptarynyń saıysy» jáne «Jol patrýli» saıystary kirdi.

2018 jyly Armııalyq halyqaralyq oıyndarǵa 33 elden 180-nen asa komanda qatysty.

Aǵymdaǵy jyly Armııalyq halyqaralyq oıyndar Ázerbaıjan, Armenııa, Belorýssııa, Úndistan, Iran, Qazaqstan, Qytaı, Mońǵolııa, Reseı, Ózbekstannyń aýmaǵynda ótedi. Baıqaýlarǵa barlyǵy álemniń 34 elinen 216 komanda qatysady.

 

 

Basty sózder: Qoǵam, QR Qorǵanys mınıstrligi,
Joǵary qaraı