Aýa raıy
Astana 11 °S
Almaty 17 °S
valıýta baǵamy
USD 389.52
EUR 429.21
RUB 6.07
CNY 54.94

Qordaıdaǵy jol apaty: zardap shekkender arasynda Qazaqstan, Ózbekstan jáne Tájikstan azamattary bar

2019 jyldyń 20 sáýir 2019 16:00

NUR-SULTAN. QazAqparat - Almaty-Tashkent tas jolynda apatqa ushyraǵandar arasynda Qazaqstan, Ózbekstan jáne Tájikstan azamattary bar, dep habarlaıdy QazAqparat Іshki ister mınıstrliginiń baspasóz qyzmetine silteme jasap.

«Jambyl oblysynyń Qordaı aýdanyndaǵy qaıǵyly jol apatynda oqıǵa ornynda 8 adam qaza tapty. 32 adam medıtsınalyq mekemelerge jetkizildi. Onyń ishinde taǵy úsheýi alǵan jaraqatynan aýrýhanada qaıtys boldy. Jol-kólik oqıǵasynda qaza tapqan 11 adamnyń ishinde 7 - Qazaqstan azamaty, 3 - Ózbekstan azamaty bolǵany anyqtaldy, bir adamnyń qaı eldiń azamaty ekendigi ázirge anyqtalýda. Aýrýhanaǵa jetkizilgen zardap shegýshiler arasynda qazaqstandyqtar, Ózbekstan jáne Tájikstan azamattary bar» delingen habarlamada.

Eske sala keteıik, búgin Almaty-Tashkent tasjolynda iri jol apaty bolyp, 11 adam qaza tapty. Qazir oblysta jedel shtab qurylǵan. Psıhologtar kezekshiligi qosylǵan «qaýyrt jeli» +7 (7262) 513575 jáne +7 (7262) 514167 jumys istep tur.

Jol-kólik oqıǵasy boıynsha QR Qylmystyq kodeksiniń 345-baby 4-bóligi boıynsha sotqa deıingi tergeý bastaldy.

Avtor Janat Qapalbaeva
Basty sózder: Oqıǵa, QR ІІM, Jambyl oblysy,
Joǵary qaraı