Aýa raıy
Astana 11 °S
Almaty 17 °S
valıýta baǵamy
USD 389.52
EUR 429.21
RUB 6.07
CNY 54.94

Qordaıdaǵy jol apaty: taǵy bir adam kóz jumdy

2019 jyldyń 24 sáýir 2019 18:49

ALMATY. QazAqparat - Qordaıdaǵy jol apatynan aýrýhanaǵa túsken er adam qaıtys boldy. Bul týraly №7 qalalyq aýrýhananyń baspasóz qyzmetinen málim etti, dep habarlaıdy QazAqparat tilshisi.

«Aýrýhanaǵa patsıent óte aýyr jaǵdaıda jetkizildi. Aýyr jaraqat alǵandyqtan, komaǵa tústi. Ókinishke oraı ony aman alyp qala almadyq», - dedi №7 qalalyq aýrýhananyń baspasóz qyzmetinen.

Jol-kólik oqıǵasy tirkelgen kúnnen bastap Qylmystyq kodekske sáıkes kúdikti bolyp sanalǵan 44 jastaǵy avtobýs júrgizýshisi ustalyp, Qordaı aýdandyq ýaqytsha ustaý ızolıatoryna jetkizilgen. Qordaı aýdandyq sotynyń sheshimimen kúdikti eki aı merzimge qamaýǵa alyndy.

Apatqa qatysty QR Qylmystyq kodeksiniń 345-baby 4-bóligine saı qylmystyq is qozǵaldy. Sonymen qatar jeńil meshına men júk kóliginiń soqtyǵysý deregi boıynsha da qylmystyq is qozǵalyp, sotqa deıingi tergeý bastaldy.

Eske salaıyq, 20 sáýir kúni «Almaty-Tashkent» avtojolynyń 181-shaqyrymynda «Toıota» markaly kólik bir baǵytta kele jatqan júk mashınasyna soǵyldy. Sol sátte Shymkent qalasynan Almatyǵa bet alǵan «Van Hool» avtobýsy jol shetine shyǵyp ketip aýdaryldy. Buǵan deıin avtobýs jol apatyna túsken kólikterdi aınalyp ótýge árekettengeni habarlanǵan edi. Jol apatynan 11 adam qaza boldy, 31-ine túrli deńgeıde medıtsınalyq kómek kórsetildi.

Qazir 8 adam aýrýhanada jatyr. QR ІІM málimetinshe, apatqa ushyraǵandar arasynda Qazaqstan, Ózbekstan jáne Tájikstan azamattary bar.

Qazaqstan Prezıdenti Qasym-Jomart Toqaev Ózbekstan Prezıdenti Shavkat Mırzıeevke kóńil aıtý jedelhatyn joldady.

Joǵary qaraı