Aýa raıy
Astana 4 °S
Almaty 7 °S
valıýta baǵamy
USD 389.98
EUR 434.01
RUB 6.10
CNY 55.04

Qordaıdaǵy iri jol apaty: «Qaýyrt jeli» jumys istep tur

2019 jyldyń 20 sáýir 2019 12:03

NUR-SULTAN. QazAqparat - Jambyl oblysynyń Qordaı aýdanyndaǵy iri jol apatynan zardap shekken azamattardyń týǵan-týystaryna jedel aqparat berý úshin "qaýyrt jeli" iske qosyldy. Bul jaıynda QR Іshki ister mınıstrliginen málim etti, dep habarlaıdy QazAqparat tilshisi.

"Búgin tańǵy saǵat 5 shamasynda Jambyl oblysynyń Qordaı aýdanynda, «Almaty-Tashkent» avtomobıl jolynyń 181 shaqyrymynda "Toıoto kamrı" kóligi osy baǵytta júrip bara jatqan júk kóligine soǵyldy. Jol boıymen kele jatqan jolaýshylar avtobýsy atalǵan kólik quraldaryna soqtyǵysýdan qashpaq bolyp kilt burylǵanda aýdarylǵan. Oqıǵa ornynda 8 adam qaza tapty. 32 adam medıtsınalyq mekemege jetkizilip, sol jerde alǵan jaraqatynan taǵy 3 adam kóz jumdy", - dep atap ótti mınıstrlikten.

Vedomstvo málimetinshe, oqıǵa ornyna Jambyl oblysy ákiminiń birinshi orynbasary B.Orynbekov, oblys prokýrory J.Qusaıynov, oblystyq polıtsııa, tótenshe jaǵdaılar departamentteriniń jáne qorǵanys isi basqarmasynyń bastyqtary barǵan. Zardap shekkenderge jedel kómek kórsetý úshin oblystyq densaýlyq basqarmasynyń basshysy M. Jumanqulov bastaǵan 3 otashy-dáriger jetken.

"Oblys ákimdigi jedel shtab jumysyn uıymdastyryp, oblystyq tótenshe jaǵdaılar departamenti psıhologtar kezekshilik etetin +7(7262) 513575 jáne +7(7262)514167 "qaýyrt jelisin" iske qosty. Jol-kólik apaty faktisi boıynsha Qazaqstan Respýblıkasy Qylmystyq kodeksiniń 345-babynyń 4-tarmaǵymen qylmystyq is qozǵaldy. Іshki ister mınıstriniń buıryǵymen ІІM jáne oblystyq polıtsııa departamentiniń qyzmetkerlerinen jasaqtalǵan jedel-tergeý toby quryldy. Avtokólik quraldary júrgizýshileriniń kinási sot saraptamalarynyń qorytyndysyn eskere otyryp, tergeý barysynda anyqtalatyn bolady", - delingen taratylǵan aqparatta.

Buǵan deıin Jambyl oblysynda «Almaty-Tashkent» avtojolynyń boıynda iri jol apaty bolyp, 11 adam kóz jumǵanyn habarlaǵan edik.

Aıta keterligi, oqıǵa ornynda zardap shekkenderge kómek kórsetý úshin QR Qorǵanys mınıstrligi de áskerı qyzmetshileri men arnaıy tehnıkalaryn jibergen. Áskerı gospıtalǵa zardap shekken 8 jolaýshy jetkizilgen.

Avtor Marlan Jıembaı
Basty sózder: Kólik, Jambyl oblysy, Oqıǵa,
Joǵary qaraı