Aýa raıy
Astana -3 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Kópbalaly otbasynan shyqqan balalarǵa arnaıy bilim granty bólinedi

2019 jyldyń 20 aqpan 2019 12:15

ASTANA. QazAqparat - Kópbalaly otbasydan shyqqan balalarǵa arnaıy bilim granty bólinedi. Bul týraly búgin qala halqynyń aldynda esep berip jatqan Astana ákimi Baqyt Sultanov aıtty, dep habarlaıdy QazAqparat tilshisi.

«Jalpy tabysy 3 kúnkóris mınımýmynan tómen kópbalaly otbasylardyń balalaryna Astana qalasynyń JOO-larda oqý úshin jekelegen granttar bólinetin bolady. Bul - qosymsha 25 mln teńge. Tehnıkalyq jáne kásiptik bilim berý mekemelerindegi qajet etiletin jumysshy mamandyǵyn alý úshin qosymsha 1 myńnan astam grant qarastyrylǵan. Bilim alý barysynda jataqhana berilip, jol júrý men tamaq tegin bolady, shákirtaqy tólenedi», - dedi qala basshysy.

Sonymen qatar, qala basshysy elordanyń joǵary oqý oryndaryn bitirgen túlekter Jastar tájirıbesi baǵdarlamasy arqyly jumysqa ornalasa alatyndyǵyn aıtty.

«Bul rette mansap jolynda odan ary ósý úshin qajetti jumys tájirıbesin alatyn bolady. Al Bıznestiń jol kartasy boıynsha kásipkerlik negizderin oqyp, qajetti barlyq keńesterdi ala alasyzdar jáne jeńildikti nesıeni sýbsıdııalaý baǵdarlamasyna qatysýǵa múmkinshilik bar», - dedi B.Sultanov.

Joǵary qaraı