Aýa raıy
Astana 5 °S
Almaty 12 °S
valıýta baǵamy
USD 389.81
EUR 430.27
RUB 6.06
CNY 54.91

Kópbalaly otbasylarǵa qatysty aýdıojazbadaǵy daýys Áıtimovaniki emes - QR ІІM

2019 jyldyń 22 sáýir 2019 19:29

NUR-SULTAN. QazAqparat - Áleýmettik jelide taraǵan balaǵatqa toly aýdıojazbadaǵy daýys senator Birǵanym Áıtimovaniki emes. Bul jaıynda QR Іshki ister mınıstriniń keńesshisi - resmı ókil Nurdildá Oraz aıtty, dep habarlaıdy QazAqparat tilshisi.

Onyń atap ótýinshe, Nur-Sultan qalalyq polıtsııa departamentine QR Parlamenti Senatynyń depýtaty B.Áıtimova óziniń daýysyn, sýreti men qyzmetin kórsetý arqyly áleýmettik jelide kópbalaly analardyń járdemaqysy jóninde jalǵan aqparattyń taraýyna qatysty shaǵym túsirgen. Osyǵan oraı departament QR QK 274-baby boıynsha sotqa deıingi tergeý amaldaryn júrgizip jatyr.

«Saraptama qorytyndysyna sáıkes taratylǵan aýdıojazbadaǵy daýys QR Parlamenti Senatynyń depýtaty B.Áıtimovaniki emes. Qasaqana jalǵan aqparat taratqan tulǵany anyqtaý týraly shaǵym túsýine baılanysty tergeý organdary kinálilerdi anyqtaý jáne olardy jaýapkershilikke tartý boıynsha barlyq sharany qabyldap jatyr», - dedi N.Oraz.

Avtor Marlan Jıembaı
Basty sózder: QR ІІM, Internet,
Joǵary qaraı