Aýa raıy
Astana -2 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Kommýnaldyq sharýashylyq salasy táýelsiz uıymdar baqylaýyna beriledi

2018 jyldyń 16 qarasha 2018 15:52

ALMATY. QazAqparat - Qazaqstanda turǵyn úı-kommýnaldyq sharýashylyq salasyna táýelsiz qoǵamdyq uıymdar aýdıt júrgizetin boldy. Bul týraly Almaty ákimdigindegi jınalysta QR Ulttyq ekonomıka mınıstri Tımýr Súleımenov aıtty, dep habarlaıdy QazAqparat tilshisi.

Mınıstr tabıǵı monopolııalardyń jumysyn qadaǵalaý bıyl da jalǵasatynyn aıtty.

«Kóp jaǵdaıda QR Bas prokýratýrasy tekserip jatyr. Tarıfter túsedi. Zańbuzýshylyqtar baıqalsa, olardy joıý úshin barlyq sharalar qolǵa alynady. Biz ortalyq memlekettik organ deńgeıinde «QR Tabıǵı monopolııalar týraly» zańyn qabyldaýǵa baılanysty normatıvti, zań turǵysynda birqatar máselelerdi anyqtap jatyrmyz. Zań jobasy Parlamentte jatyr», - dedi Tımýr Súleımenov.

Osyǵan oraı, arnaıy qoǵamdyq keńester qurylady. Uıymdar turǵyn úı kommýnaldyq sharýashylyq salasyn baqylaýmen aınalysady.

«Biz bul uıymdardyń qyzmetin memlekettik áleýmettik tapsyrys arqyly qarjylandyryp otyramyz. Bul ınstıtýt keler jyldyń jartysynan bastap qurylady. Sonymen qatar, baqylaýǵa BAQ ókilderi de shyǵady. Uıymdar BAQ arqyly esep beretin bolady», - dedi mınıstr.

Aıta ketý kerek, 7 qarashada Memleket basshysy Nursultan Nazarbaev Qaýipsizdik keńesiniń otyrysynda kommýnaldyq qyzmet tarıfterin zańsyz ósirgen tabıǵı monopolııa sýbektilerin jazalaýdy talap etken bolatyn.

Memleket basshysy tekserý barysynda energııa jetkizýshi kompanııalar tarapynan halyqqa 14 mlrd teńge somasynda shyǵyn kelgenin atap ótti. 15 mlrd teńge somasyndaǵy energııamen qamtamasyz etetin uıymdardyń zańsyz kirisi belgili boldy.

Joǵary qaraı