Aýa raıy
Astana 21 °S
Almaty 17 °S
valıýta baǵamy
USD 386.82
EUR 428.67
RUB 5.86
CNY 54.95

Kólik polıtseıleri temir jol relsterin urlaǵan adamdar tobyn ustady

2019 jyldyń 18 shilde 2019 16:09 245

ÓSKEMEN. QazAqparat - Óskemen-1 stantsııasyndaǵy Jelilik polıtsııa bóliminiń qyzmetkerleri jedel-izdestirý sharalary barysynda Shemonaıha temir jol stantsııasynyń aýmaǵynan temir jol bólshekterin urlaǵan 23 jáne 34 jastaǵy eki er azamatty ustady, dep habarlaıdy QazAqparat Kóliktegi polıtsııa departamentiniń baspasóz qyzmetine silteme jasap.

Tergeý barysynda quqyq buzýshylardyń temir jol stantsııasy mańynda ornalasqan bir JShS-ne kireberis joldaǵy jalpy salmaǵy 2 tonnaǵa jýyq relsterdi arnaıy apparatpen kesip, alyp ketkendigi anyqtaldy.

Olar atalǵan qylmysty jasaǵandaryn moıyndady.

Ustalǵandar ShQO Shemonaıha aýdandyq sotynyń sheshimimen kináli dep tanyldy.

Osyǵan uqsas jaǵdaı ShQO Turǵusyn-Zyrıan stantsııalarynyń ótkelinde de oryn aldy. Eki er azamat temir jol jıegindegi ýchaskeden uzyndyǵy 15 metr bolatyn temir jol relsterin urlap, metall synyqtaryn qabyldaý pýnktine ótkizý úshin Altaı qalasyna alyp ketken.

Olar izinshe kólik polıtseılerimen ustaldy.

Qolǵa túskender Zyrıan aýdandyq sotynyń sheshimimen urlyq jasaǵany úshin kináli dep tanylyp, 1 jyl 6 aı merzimge bas bostandyǵynan shekteý jazasy taǵaıyndaldy.

Joǵary qaraı