Awa rayı
Nur-Sultan 7 °S
Almatı 16 °S
valyuta bağamı
USD 379.36
EUR 424.47
RUB 5.88
CNY 54.95

Kölіk polïceylerі 15 mıñ quqıqbuzwşını äkіmşіlіk jawapkerşіlіkke tarttı

2019 jıldıñ 22 säwіr 2019 18:44 535

NUR-SULTAN. QazAqparat - Bügіn, 22 säwіrde Nur-Sultan qalasında QR ІІM Kölіktegі polïcïya departamentіnіñ basşılığımen vedomstvonıñ 2019 jılğı 1-toqsandağı jedel-qızmettіk jumısın qorıtındılawğa arnalğan keñeytіlgen keñes ötkіzіldі, dep xabarlaydı QazAqparat Kölіktegі polïcïya departamentіnіñ baspasöz qızmetіne sіlteme jasap.

Jïında Departament basşılığı barlıq jeke quramğa Memleket basşısınıñ іşkі іster organdarı qızmetkerlerіnіñ aldına qoyğan jaña mіndetterіn egjey-tegjeylі jetkіzdі. Atap aytqanda, quqıqbuzwşılıqtardıñ aldın alw boyınşa jumıstardı küşeytw, azamattardıñ quqıqtarın qorğawdı qamtamasız etw jäne polïcïyanıñ qoğammen özara іs-qïmılınıñ tïіmdіlіgіn arttırw negіzgі mіndet bolıp otır.

KPD Äkіmşіlіk polïcïya basqarmasınıñ bastığı Jasulan Baykenov ağımdağı jıldıñ basınan berі Departamenttіñ qızmet körsetw wçaskesіnde ağımdağı jıldıñ bіrіnşі toqsanında 653 qılmıstıq quqıq buzwşılıq tіrkelgenіn ayttı.

Quqıq buzwşılıqtardıñ jalpı aşılwı 82,1% quradı.

Qılmıs sanı 14,3%-ğa, onıñ іşіnde onşa awır emes qılmıs 27,8%-ğa, awırlığı ortaşa qılmıs 12,5%-ğa, awır qılmıs 14,6%-ğa, sonday-aq alayaqtıq 25,9%-ğa, böten mülіktі urlaw 14,3%-ğa jäne qoğamdıq orındarda jasalğan qılmıstar 10%-ğa tömendegen.

Eseptі merzіm іşіnde 15719 quqıqbuzwşı äkіmşіlіk jawapkerşіlіkke tartılğan. Sonımen qatar köşі-qon zañnamasın buzğanı üşіn äkіmşіlіk jawapkerşіlіkke 540 azamat tartılıp, 67 şetel azamatı el awmağınan tısqarı şığarılğan.

Elbasınıñ usaq quqıqbuzwşılıqqa, buzaqılıq pen mädenïetsіzdіkterge «müldem tözbewşіlіktі» qalıptastırw boyınşa tapsırmasın іske asırw ayasında 5693 quqıqbuzwşı äkіmşіlіk jawapkerşіlіkke tartılğan.

 «Jalpı alğanda, qılmıstar men quqıq buzwşılıqtardıñ aldın alwğa bağıttalğan uyımdastırwşılıq jäne praktïkalıq sïpattağı şaralar Departamenttіñ qızmet körsetw wçaskesіndegі krïmïnogendіk jağday men jedel jağdaydıñ turaqtılığına baqılawdı qamtamasız etwge mümkіndіk berdі», - dep tüyіndedі bayandamasın J. Baykenov.

 Buğan qosa bіrqatar jelіlіk bölіnіster basşılarınıñ esepterі de tıñdaldı. Sonımen qatar basqosw barısında kadr sayasatın jetіldіrw, jeke quramnıñ qızmettіk-jawıngerlіk dayarlıq deñgeyіn, kölіk polïceylerіnіñ tärtіp pen zañdılıqtı saqtawı, sonday-aq ärbіr polïcïya bölіnіsіnde sıbaylas jemqorlıqqa qarsı küres jönіndegі şaralardı küşeytw mäselelerі jan-jaqtı talqılandı.

Jïındı qorıtındılay kele, mekeme basşılığı orın alğan kemşіlіkterdі belgіlep, basşılarğa Departamenttіñ qızmet körsetw awmağında qoğamdıq tärtіp pen azamattardıñ qawіpsіzdіgіn saqtawdı qamtamasız etw boyınşa bіrqatar mіndetter jüktedі.

 

 

Bastı sözder: QR ІІM, Qılmıspen küres,
Joğarı qaray