Aýa raıy
Astana 4 °S
Almaty 7 °S
valıýta baǵamy
USD 389.86
EUR 435.32
RUB 6.12
CNY 55.12

Kólik polıtseıleri 15 myń quqyqbuzýshyny ákimshilik jaýapkershilikke tartty

2019 jyldyń 22 sáýir 2019 18:44

NUR-SULTAN. QazAqparat - Búgin, 22 sáýirde Nur-Sultan qalasynda QR ІІM Kóliktegi polıtsııa departamentiniń basshylyǵymen vedomstvonyń 2019 jylǵy 1-toqsandaǵy jedel-qyzmettik jumysyn qorytyndylaýǵa arnalǵan keńeıtilgen keńes ótkizildi, dep habarlaıdy QazAqparat Kóliktegi polıtsııa departamentiniń baspasóz qyzmetine silteme jasap.

Jıynda Departament basshylyǵy barlyq jeke quramǵa Memleket basshysynyń ishki ister organdary qyzmetkerleriniń aldyna qoıǵan jańa mindetterin egjeı-tegjeıli jetkizdi. Atap aıtqanda, quqyqbuzýshylyqtardyń aldyn alý boıynsha jumystardy kúsheıtý, azamattardyń quqyqtaryn qorǵaýdy qamtamasyz etý jáne polıtsııanyń qoǵammen ózara is-qımylynyń tıimdiligin arttyrý negizgi mindet bolyp otyr.

KPD Ákimshilik polıtsııa basqarmasynyń bastyǵy Jasulan Baıkenov aǵymdaǵy jyldyń basynan beri Departamenttiń qyzmet kórsetý ýchaskesinde aǵymdaǵy jyldyń birinshi toqsanynda 653 qylmystyq quqyq buzýshylyq tirkelgenin aıtty.

Quqyq buzýshylyqtardyń jalpy ashylýy 82,1% qurady.

Qylmys sany 14,3%-ǵa, onyń ishinde onsha aýyr emes qylmys 27,8%-ǵa, aýyrlyǵy ortasha qylmys 12,5%-ǵa, aýyr qylmys 14,6%-ǵa, sondaı-aq alaıaqtyq 25,9%-ǵa, bóten múlikti urlaý 14,3%-ǵa jáne qoǵamdyq oryndarda jasalǵan qylmystar 10%-ǵa tómendegen.

Esepti merzim ishinde 15719 quqyqbuzýshy ákimshilik jaýapkershilikke tartylǵan. Sonymen qatar kóshi-qon zańnamasyn buzǵany úshin ákimshilik jaýapkershilikke 540 azamat tartylyp, 67 shetel azamaty el aýmaǵynan tysqary shyǵarylǵan.

Elbasynyń usaq quqyqbuzýshylyqqa, buzaqylyq pen mádenıetsizdikterge «múldem tózbeýshilikti» qalyptastyrý boıynsha tapsyrmasyn iske asyrý aıasynda 5693 quqyqbuzýshy ákimshilik jaýapkershilikke tartylǵan.

«Jalpy alǵanda, qylmystar men quqyq buzýshylyqtardyń aldyn alýǵa baǵyttalǵan uıymdastyrýshylyq jáne praktıkalyq sıpattaǵy sharalar Departamenttiń qyzmet kórsetý ýchaskesindegi krımınogendik jaǵdaı men jedel jaǵdaıdyń turaqtylyǵyna baqylaýdy qamtamasyz etýge múmkindik berdi», - dep túıindedi baıandamasyn J. Baıkenov.

Buǵan qosa birqatar jelilik bólinister basshylarynyń esepteri de tyńdaldy. Sonymen qatar basqosý barysynda kadr saıasatyn jetildirý, jeke quramnyń qyzmettik-jaýyngerlik daıarlyq deńgeıin, kólik polıtseıleriniń tártip pen zańdylyqty saqtaýy, sondaı-aq árbir polıtsııa bólinisinde sybaılas jemqorlyqqa qarsy kúres jónindegi sharalardy kúsheıtý máseleleri jan-jaqty talqylandy.

Jıyndy qorytyndylaı kele, mekeme basshylyǵy oryn alǵan kemshilikterdi belgilep, basshylarǵa Departamenttiń qyzmet kórsetý aýmaǵynda qoǵamdyq tártip pen azamattardyń qaýipsizdigin saqtaýdy qamtamasyz etý boıynsha birqatar mindetter júktedi.

Basty sózder: Qylmyspen kúres, QR ІІM,
Joǵary qaraı