Aýa raıy
Astana -1 °S
Almaty 2 °S
valıýta baǵamy
USD 389.86
EUR 435.32
RUB 6.12
CNY 55.12

Kóktem keldi: Shymkent pen Almatyda gúldep tur, Aqmola men Aqtóbede qar jatyr

2019 jyldyń 19 naýryz 2019 10:23

ASTANA. QazAqparat - Kóktemniń alǵashqy aıynyń ortasy bolsa da, elimizdiń soltústik óńirlerinde qystyń yzǵarynyń beti áli qaıtar túri joq. Al ońtústikte osydan bir apta buryn órik gúldep, aýa-raıy +24 gradýsqa deıin jylynǵan edi. QazAqparat óńirlerdegi aýa raıyna sholý usynady.

Astanalyqtar úshin ázirge kóktemniń aýyly alys sekildi. Qystyń yzǵary áli de seziledi, qala kóshelerindegi qardyń kólemi de qalyń. Jurtshylyqtyń deni ústerinen qysqy kıimderin áli tastaı qoıǵan joq. Degenmen, tús aýa kúnniń shýaǵy tógilgende, jylylyq bolaryn biletin biren-saran jan palto kıip alǵany bolmasa, deni qystyq kúrte men ton, ishik kıip júr.



null


null


null

Jalpy elimizdiń soltústik óńirlerinde qar áli kete qoıǵan joq, sýyq. Máselen, Petropavl qalasynda tańerteńgi ýaqytta synap baǵanasy -15 gradýs sýyqty kórsetse, túske taman aınala sil de bolsa jylynǵanyn sezesiń. Aıta keterligi, sońǵy 3-4 kúnnen beri óńirde kún sýytyp tur. Oǵan deıin «túske deıin múıiz, tústen keıin kıiz» bolyp, qar erıtin. Kún raıy +5 gradýsqa deıin jylynǵan da edi.



null


null


null


null



null


null

Qostanaı óńiri de qalyń qardyń qushaǵynda. Máselen, osy oblystyń Qostanaı aýdanyna qarasty Ozernoe aýylynyń kóshelerinde qar áli taý-taý bolyp úıilip jatyr. Tańerteńgisin aýa temperatýrasy -10 gradýsqa deıin sýyq bolsa, túske taman yzǵardyń beti qaıtyp, -2 gradýsqa deıin tómendeıdi.



null

Aqmola oblysynda da aýa raıy dál osyndaı desek te bolady, -4 gradýs salqyn. Kún ashyq bolǵanymen, tysqa juqa kıimmen shyǵyp ketseń, kóktemniń sýyǵy óńmenińnen ótedi. Dese de Kókshetaý kósheleri qardan taza.



null


null



null

Bıyl Batys Qazaqstan oblysynda qystyń qarly ári borandy bolǵany belgili. Qazirgi sátte +1 gradýsty kórsetip tur. Óńirdiń Bókeı ordasy syndy ońtústik aýdandarynda qar ketip, mal óriske shyǵyp jatsa, Oralda qys áli óz kúshinde deýge bolady. Adamdar qysqy kıimderin áli tastaı qoıǵan joq. Qardyń kóptigi sý basý qaýpin de týǵyzatyny málim. Degenmen, sońǵy kúnderi qar kúndiz erip, túnde qatýda.



null


null

Atyraý kóshelerinde qar tolyq erip, jer qaraıyp jatyr. Degenmen, ázirshe qyltıǵan kók baıqalmaıdy. Kúndiz aýa tempýratýrasy +12 gradýsqa deıin jyly bolǵanymen, toń jerdiń yzǵary seziletindikten, adamdar áli de jyly kıimmen júr.



null


null


null


null

Aqtaýda da qar joq bolǵanymen, jer tońynyń yzǵary sezilip, jurt juqa palto men kúrteshe kıgen. Aıta keterligi, bıyl Aqtaý men Atyraý qalasynda kún raıy ádettegiden birshama salqyn. Aýa temperatýrasy +8 gradýs. Azdaǵan jel bar, kún ashyq.

Aqtóbede kúni keshe ǵana qar tústi, qala aq mamyqqa oranyp tur. Biraq búgin kún jylynyp, erigen qar sýy jer-kókti alýy múmkin degen qaýip bar. Sınoptıkterdiń dereginshe, aýa temperatýrasy -2,-3 gradýs bolmaq. Jel de kúsheıip, jyldamdyǵy sekýndyna 15 metrge jetip qalýy yqtımal.



null


null

Almatyda kún jylyndy. Jurtshylyq ishikteri men tondaryn qara kúıe jep qoımaýy úshin arnaıy saqtyq sharalaryn paıdalanyp, shkaf sórelerine qoıǵanyna da birneshe kún boldy. Alataý baýraıynda qar erip ketkennen keıin qara topyraq astynan báısheshekter qyltııa bastasa, aǵashtar da búr jaryp tur. Sınoptıkterdiń boljaýynsha, aldaǵy ýaqytta ońtústik astanada +15-18 gradýs jyly bolmaq.



null


null


null

Shymkentte bıyl kún kúrt ysyp, aǵashtar erte gúldedi. Qalada jemis aǵashtarynyń ishinde kóktemdi birinshi bolyp sezetin órikter gúl ashty. Endi qyzǵaldaqtar gúldep tur. Qala kósheleri men saıabaqtarynda shamamen 1 mln 114 myń qyzǵaldaq gúli ashyldy. Olardyń basym kópshiligi gollandııalyq sary, qyzyl, kók, qyzǵylt sary, kúlgin tústi gúlder. Qazir qalada aýa temperatýrasy +19 +24 gradýsqa deıin jyly. Al túnde termometr kórsetkishteri shamamen +4 +9, keı jerlerde +1 gradýsty kórsetedi. Oblys ortalyǵy - Túrkistan shaharynda da aýa raıy dál osyndaı.



null


null


null


null


null

Tarazda kóktem ıisi seziledi. Kók qyltıyp, aǵashtar endi-endi búrshik jarǵaly tur. Jurt qysqy kıimderin tastap, jeńil kúrte, kostıým kııýge kóshken. Kúndiz aýa temperatýrasy +21 gradýsqa deıin jylıdy. Oblys ortalyǵynda qar tolyq erigenimen, Moıynqum, Talas, Sarysý, Jýaly aýdandarynyń keı jerinde áli de jatyr.



null


null


null


null


null

Qyzylordaǵa da kóktem jetti. Qazirgi ýaqytta qalanyń kommýnaldyq qyzmetteri qala kóshelerin tazalap, jol jıekterine, aýlalarǵa alańdarǵa gúl kóshetterin otyrǵyzýǵa daıyndyq jumystaryn bastap ketken. Jurt jeńil kıingen.



null


null

Taldyqorǵanda kún jyly bolyp kóringenimen, syrtta uzaq júrip qalsań, áli de bolsa qystyń yzǵary bar ekendigi baıqalady. Degenmen jurt jeńil kıinip júr, jerde qar joq. Búgin synap baǵanasy +10 gradýsqa deıin kóterilip, jyldamdyǵy sekýndyna 16 metrge jetetin jel turatyndyǵy kútilýde.



null


null


null


null

Bıyl Altaıda naǵyz kóktem. «Túske deıin múıiz, tústen keıin kıiz» degen mátelge dál kelip tur. Sońǵy eki kún qatarynan qystan qalǵan yzǵar atqa qaıta qonýǵa talpynǵanymen, kóktem lebi óz degenin istep jatyr. Tótenshe jaǵdaılar departamenti taratqan aqparatqa sensek, ońtústikte jatqan Úrjar, Zaısan, Kúrshim aýdandarynda qar negizinen erip bitken. Al Katonqaraǵaı, Altaı, Shemonaıha, Glýbokoe aýdandarynda áli de bolsa qar jatyr. Taýly aımaqtarda qar qalyńdyǵy 19-25 sm deńgeıinde. Óskemen kóshelerinde adamdar áli qysqy kıimderimen júr, kún sáýlesi túse bermeıtin tasalaý jerlerde qar áli jatyr.



null

Semeıde kún shaıdaı ashyq bolǵanymen, -4 gradýsqa deıin salqyn. Al túnde -12 gradýsqa deıin sýyq bolyp tur. Qala turǵyndary da ázirshe qystyq jyly kıimderin sheshýge asyǵar emes. Oǵan aýa raıy da múmkinshilik bermeı otyr.

Avtor Marlan Jıembaı
Basty sózder: Aýa raıy, Aımaq,
Joǵary qaraı