Aýa raıy
Astana -9 °S
Almaty -3 °S
valıýta baǵamy
USD 389.34
EUR 428.78
RUB 6.05
CNY 55.45

Kókshetaýlyq muǵalim synǵa alǵan máselelerdiń birazy sheshilgen - mınıstr

2019 jyldyń 21 qazan 2019 15:56

NUR-SULTAN. QazAqparat – QR Bilim jáne ǵylym mınıstri Ashat Aımaǵambetov bilim júıesindegi olqylyqtar týraly aıtqan kókshetaýlyq muǵalim Álııa Ahetovamen kezdesýi týraly aıtyp berdi, dep habarlaıdy QazAqparat tilshisi.

«Biz onymen kezdestik jáne ózi synaǵan máseleler boıynsha tolyqqandy sóılestik. Jalpy, aramyzda jaqsy dıalog ornady. Bul jumysty ári qaraı da jalǵastyramyz. Buǵan deıin birneshe ózekti másele boıynsha mınıstrliktiń shara qabyldaǵanyn aıtqanmyn. Máselen, Ulttyq biliktilik testinde muǵalimderdi metall izdegishpen tekserý, suraqtardyń sapasy jáne apellıatsııa týraly syn boldy. Bul júıeniń ózgeretinin Tamyz konferentsııasynda habarlaǵanbyz. Qazir de ózgeristi bastap kettik. Sondyqtan, áriptesimiz kótergen máselelerdiń birazy sheshilgen», - dep atap ótti mınıstr búgin Ortalyq kommýnıkatsııalar qyzmetinde ótken baspasóz máslıhatynda.

Aıta keteıik, tarıh pániniń muǵalimi, kókshetaýlyq Álııa Ahetovanyń BAQ-tardyń birine bergen suhbaty YouTube jelisinde 3 qazanda jarııalandy. Onda 38 jyl eńbek ótili bar pedagog jańartylǵan oqý baǵdarlamasyn, oqýshylardyń bilimin baǵalaý júıesin jáne sybaılas jemqorlyqpen kúres jumystaryn synǵa aldy.

Keıin QR Bilim jáne ǵylym mınıstri Ashat Aımaǵambetov qoǵamda qyzý pikirtalas týdyrǵan atalmysh suhbatqa qatysty túsinik bildirdi.

«Dostar! Sońǵy kúnderi tarıh pániniń muǵalimi Á.K.Ahetovanyń vıdeosuhbaty keńinen taralyp jatyr. Atalǵan rolıkte kóterilgen máseleler qoǵam tarapynan qyzý talqylanýda. Dál qazir bul materıaldyń mazmunyna qatysty eshqandaı baǵa bermeımin. Eń bastysy, kez kelgen muǵalim men ata-ana óz pikirin ashyq bildirýge quqyly ekenin túsiný – mańyzdy. Al bizdiń mindetimiz - osy usynystar men eskertýlerdi nazarǵa alý», - dep jazdy mınıstr Facebook-tegi óz paraqshasynda.

Joǵary qaraı