Aýa raıy
Astana 5 °S
Almaty 6 °S
valıýta baǵamy
USD 389.98
EUR 434.01
RUB 6.10
CNY 55.04

Kókshetaýǵa áleýmettik mańyzdy azyq-túlik tikeleı jetkiziletin bolady

2019 jyldyń 22 aqpan 2019 05:29

KÓKShETAÝ. QazAqparat - Aqmola oblysy ákiminiń orynbasary Marat Iǵalıev Kókshetaýdy áleýmettik mańyzy bar azyq-túlik taýarlarmen qamtamasyz etý máseleleri boıynsha májilis ótkizdi, dep habarlaıdy QazAqparat tilshisi oblystyq kásipkerlik jáne ónerkásip basqarmasyna silteme jasap.

Májiliske Kókshetaý qalasynyń ákimi Ermek Marjyqpaev, Aqmola oblystyq kásipkerlik jáne ónerkásip basqarmasynyń basshysy Erbol Jaqsylyqov, aýyl sharýashylyq basqarmasynyń basshysy Azamat Saǵynbaev, «Esil» áleýmettik-kásipkerlik korporatsııasy» basqarma tóraǵasy Qazbek Eskendirov jáne Aqmola oblysynyń taýar óndirýshileri qatysty.

Kelissózderdiń qorytyndylary boıynsha kásiporyn basshylarymen Kókshetaý qalasyna tómendetilgen baǵamen: «Agroınvest-2015» JShS, «Úsh Bulaq - 2005» JShS óndiristegi taýyq jumyrtqasyn, «Gormolzavod» JShS, «Nátıje» sút fabrıkasy» JShS sút ónimderin (pasterlengen sút, aıran, irimshik, sary maı), «Milk Project» JShS kartopty, «Agrotreıd Kókshe» JShS sábizdi tikeleı jetkizýdi qamtamasyz etý boıynsha memorandýmdarǵa qol qoıyldy.

«Osy memorandým sheńberinde qala dúkenderindegi atalǵan azyq-túlik ónimderiniń baǵasy turaqtandyrylatyn bolady. Sonymen qatar, jaqynda budan ózge áleýmettik mańyzy zor azyq-túlik taýarlaryn óndirýshilerimen memorandýmdarǵa qol qoıý josparda bar», -deıdi Aqmola oblystyq kásipkerlik jáne ónerkásip basqarmasyndaǵylar.

Avtor Aslan Ospanov
Basty sózder: Aqmola oblysy, Azyq-túlik,
Joǵary qaraı