Aýa raıy
Astana 11 °S
Almaty 12 °S
valıýta baǵamy
USD 389.59
EUR 429.06
RUB 6.05
CNY 55.07

Kókshetaýdyń «Arlany» elordalyq «Nomad» komandasyn utty

2019 jyldyń 25 naýryz 2019 21:51

KÓKShETAÝ. QazAqparat - Kókshetaýdyń «Arlan» HK óz aıdynynda nur-sultandyq «Nomad» komandasyn utty, dep habarlaıdy QazAqparat tilshisi.

Qazaqstan chempıonatynyń pleı-off kezeńinde ózara ótken 5 oıynda aıdyn ıeleri anyq basymdyq tanytty. Alǵashqy mınýttan shabýylǵa shyqqan arlandyqtar Demagın, Ermolev jáne Gasnıkovtyń salǵan shaıbalarynan birinshi taımdy 3:0 esebimen aıaqtady.

Úzilisten keıin qonaqtar sál esterin jıǵan sııaqty boldy. Alaıda, «Arlan» oıynshysy Klemeshov qarsylastar qaqpasynan sańylaý taýyp, tablodaǵy esepti eseleı tústi. Qonaqtar tarapynan Korolınskıı qarypta bir gol salyp esep aıyrmasyn qysqartýǵa múmkindigi jetti.

Al, sheshýshi 20 mınýtte de oıyn ekinshi taımdaǵydaı órbidi. Qos komanda jınaqy oıyn órnegin kórsetip, qarsy shabýyldaýǵa tyrysyp baqty. Nátıjesinde Demagın men Gýrınniń soqqan shaıbalary qaqpa torynda týlap, kezdesý 5:2 esebimen aıdyn ıeleriniń mańyzdy jeńisimen aıaqtaldy.

Osylaısha, jalpy bes kezdesýde 3:2 esebimen jeńiske jetken «Arlan» hokkeıshileri pleı-off-tyń kelesi kezeńine shyqty.




null

Avtor Aslan Ospanov
Basty sózder: Nur-Sultan, Aqmola oblysy, Sport,
Joǵary qaraı