Aýa raıy
Astana -6 °S
Almaty -3 °S
valıýta baǵamy
USD 388.81
EUR 429.01
RUB 6.08
CNY 55.49

Kókshetaýda Sáken Seıfýllınniń 125 jyldyǵyna oraı ǵylymı konferentsııa ótti

2019 jyldyń 16 qazan 2019 14:50

KÓKShETAÝ. QazAqparat - Kókshetaýda belgili qoǵam jáne memleket qaıratkeri aqyn, qazaq ádebıetiniń negizin qalaýshylarynyń biri​ Sáken Seıfýllınniń týǵanyna 125 jyl tolý qurmetine baılanysty «Kerbez Kóksheniń aqıyǵy – Sáken Seıfýllın» atty ǵylymı konferentsııa ótti, dep habarlaıdy QazAqparat tilshisi.

Saltanatty sharaǵa elimizdiń Nur-Sultan, Almaty jáne Qaraǵandy qalalarynan kelgen tanymal tarıhshylary men ádebıetshileri, zııaly qaýym ókilderi, Sáken Seıfýllınniń urpaqtary men jerlesteri qatysty.

Sharada óńir basshysy Ermek Marjyqpaev Sáken Seıfýlınniń mereıtoıyn atap ótý qazaqstandyqtardyń rýhanı ómirin arttyrýǵa baǵyttalǵanyna toqtaldy.

«Sáken Seıfýllınniń esimi bul el tarıhynda altyn árippen jazylǵan. Onyń shyǵarmashylyǵy men ómir jolyn zertteý keleshek urpaq úshin mańyzy zor», – dep atap ótti oblys ákimi.

Sonymen qatar, óńir basshysynyń bastamasymen Shoqan Ýálıhanov atyndaǵy Kókshetaý memlekettik ýnıversıtetinde Tursynbek Kákishev ortalyǵy ashylatyn boldy. Aqmola oblysynyń týmasy, fılologııa ǵylymdarynyń doktory Tursynbek Kákishevtiń Sákendi tanýda eńbegi mol. Ol Sáken týraly 16 ǵylymı-zertteý kitabyn jazǵan. Onyń ishinde Abaı men Sákenniń eńbekteri tereń zerttelgen.




«Tursynbek Kákishev ádebıet týraly túrli ǵalymdardy zerttedi. Sáken Seıfýllın zertteý onyń eń súıikti isi edi», – deıdi Tursynbek Kákishevtiń jesiri, Ál-Farabı atyndaǵy qazaq ulttyq ýnıversıtetiniń professory, fılologııa ǵylymdarynyń doktory Kúlásh Ahmetova.

Sonymen qatar, sharada qazaq mádenıeti men ádebıetiniń damýyna qosqan Sáken Seıfýllınniń róli týraly tanymal qoǵam qaıratkeri Oralbaı Ábdikárimov, S.Seıfýllın mýzeıiniń dırektory Nesipbek Aıtuly, , E.Bóketov atyndaǵy QarMÝ professory, fılologııa ǵylymdarynyń doktory Jandos Smaǵulov, L.Gýmılev atyndaǵy Eýrazııa ulttyq ýnıversıtetiniń professory, fılologııa ǵylymdarynyń doktory Amanjol Áltaev, Sh.Ýálıhanov atyndaǵy Kókshetaý memlekettik ýnıversıtetiniń dotsenti Sábıt Jámbek, sondaı-aq, sahnada Sákenniń rólin somdap júrgen akter, dramatýrg Qanat Júnisov óziniń jyly lebizderin bildirdi.







Joǵary qaraı