Aýa raıy
Astana 19 °S
Almaty 29 °S
valıýta baǵamy
USD 384.06
EUR 429.19
RUB 6.08
CNY 55.83

Kókshetaýda polıtsııa ardageriniń qurmetine memorıaldy taqta ornatyldy

2019 jyldyń 18 maýsym 2019 14:24 827

KÓKShETAÝ. QazAqparat - Kókshetaýda QR eki shaqyrylymdaǵy senat depýtaty, QR Іshki ister organdarynyń ardageri, Kókshetaý qalasynyń qurmetti azamaty Qaırolla Eskendirovtiń qurmetine memorıaldy taqta ashyldy, dep habarlaıdy QazAqparat tilshisi.

Kókshetaý qalalyq polıtsııa basqarmasynyń ǵımaratyna ornatylǵan taqtanyń ashylý saltanatyna aımaq basshysy Ermek Marjyqpaev, Aqmola oblystyq PD bastyǵy Berik Bılıalov pen departamenttiń jeke quramy jáne Qaırolla Eskendirovtiń jubaıy, týǵan-týystary, burynǵy áriptesteri, izbasarlary qatysty.

Jıynda aımaq basshysy Ermek Marjyqpaev sóz sóılep, Qaırolla Ǵazızulynyń azamattyq ustanymy men kisilik kelbetin, qyzmetine degen adaldyǵyn, ǵıbratty ǵumyryn tilge tıek etti.


null 

Aıta keteıik, Qaırolla Eskendirov 1995 jylǵy parlament saılaýynda birinshi shaqyrylymdaǵy senat depýtaty bolyp saılandy, keıin 1999 jyly ekinshi shaqyrylymda da senator boldy. 2019 jylǵy sáýir aıynyń sońynda ómirden ótti.

Sonymen qatar, osy kúni oblystyq polıtsııa departamentiniń ǵımaratynda qaıta jańartylǵan murajaıdyń ashylýy bolyp ótti. Vedomstvolyq murajaı qorynda 5 600-den astam jádiger saqtalǵan. Murajaı  5 zaldan turady. Onda jumysshy-sharýa mılıtsııasynan bastap, Ekinshi dúnıejúzilik soǵys, QazKSRO mılıtsııasy dáýiri jáne búgingi táýelsiz Qazaqstan polıtsııasy kezindegi jádigerlerdi tamashalaýǵa bolady.



null 

 

 

Avtor Aslan Ospanov
Basty sózder: Aqmola oblysy, Qylmyspen kúres,
Joǵary qaraı