Aýa raıy
Astana 0 °S
Almaty 21 °S
valıýta baǵamy
USD 389.59
EUR 429.06
RUB 6.05
CNY 55.07

Kókshetaýda aqsha bopsalaýmen aınalysqan kúdikti ustaldy

2019 jyldyń 21 mamyr 2019 22:45

KÓKShETAÝ. QazAqparat - Kókshetaýda aqsha bopsalaýmen aınalysqan kúdikti ustaldy, dep habarlaıdy QazAqparat tilshisi Aqmola oblysynyń PD baspasóz qyzmetine silteme jasap.

Vedomstvonyń málimeti boıynsha, 2019 jylǵy mamyrdyń 3-de Kókshetaý qalalyq PB-na jeke tulǵalardan 500 myń teńge aqsha bopsalanǵany týraly aqparat túsken.

«Tergeý amaldary kezinde Kókshetaý qalasynyń 24 jastaǵy eki turǵynyn 1995 jylǵy er adam eki jyl boıy júıeli túrde bopsalap kelgeni anyqtaldy», deıdi vedomstvo.

Zardap shegýshilerdiń sózinshe, kúdikti olarǵa qorqytý arqyly qysym kórsetken, sondaı-aq, kúsh qoldanǵan. Arnaıy jáne jedel izdestirý sharasy kezinde kúdiktiniń buryn isti bolǵany, esirtkige táýeldi ekeni belgili boldy.

«Qazirgi kezde QR QK 194 babynyń 2 bóligi boıynsha is qozǵalyp, sotqa deıingi tergeý amaldary júrgizilýde», dep tolyqtyrdy vedomstvodan.

Avtor Aslan Ospanov
Basty sózder: Qylmyspen kúres, Aqmola oblysy,
Joǵary qaraı