Aýa raıy
Astana 6 °S
Almaty 7 °S
valıýta baǵamy
USD 389.94
EUR 433.50
RUB 6.10
CNY 55.13

Kıik atý faktileri tolastamaı tur - Saparhan Omarov

2019 jyldyń 18 maýsym 2019 12:00

NUR-SULTAN. QazAqparat - QR Aýyl sharýashylyǵy mınıstrligi quzyrly organdarmen birlesip, brakonerlikke qarsy jedel is-sharalar josparyn ázirledi, dep habarlaıdy QazAqparat tilshisi.

Bul týraly QR Aýyl sharýashylyǵy mınıstri Saparhan Omarov aıtyp berdi.

«Qazirgi ýaqytta kıik atý faktileri toqtamaı tur. 2018 jyly 77 brakonerlik faktisi anyqtalyp, 500 kıiktiń múıizi tárkilendi. Mınıstrlik Bas prokýratýramen, Іshki ister mınıstrligimen, Ulttyq qaýipsizdik komıtetimen birlesip, brakonerlikke qarsy jedel is-sharalar josparyn ázirledi. Onda brakonerlikpen kúres jónindegi qysqa merzimdi jáne uzaq merzimdi jedel is-sharalar kózdelgen», - dedi mınıstr Qazmedıa ortalyǵynda halyqqa esep berý kezdesýinde.



null

Mınıstrdiń aıtýynsha, 2017 jyly kıikter sany - 152 myń bolsa, 2018 jyly - 215 myńǵa jetip, olardyń ósimi 41%-dy quraǵan.

Sonymen birge, ormandardy ulǵaıtý maqsatynda mınıstrlik oblys ákimderimen birlesip, 2030 jylǵa deıingi qadamdyq josparlardy bekitken. 2018 jyly 52,7 myń gektarǵa kóshet otyrǵyzylǵan.

Erekshe qorǵalatyn tabıǵı aýmaqtar júıesin damytý sheńberinde Shyǵys Qazaqstan oblysynda «Tarbaǵataı» memlekettik ulttyq tabıǵı parki men Almaty oblysynda «Іle-Balqash» tabıǵı rezervaty qurylǵan. Osylaısha, respýblıkanyń erekshe qorǵalatyn tabıǵı aýmaǵynyń alańy 24,7 mln gektarǵa nemese el aýdanynyń 9%-na jetken.




null

Avtor Aıjan Serikjanqyzy
Basty sózder: Ekologııa, QR AShM,
Joǵary qaraı