Aýa raıy
Astana 17 °S
Almaty 28 °S
valıýta baǵamy
USD 384.52
EUR 431.32
RUB 6.10
CNY 55.89

QHL: «Barys» qytaılyq klýbty tize búktirdi

2019 jyldyń 22 aqpan 2019 20:22 1290

  ASTANA. QazAqparat - Elordalyq «Barys» bıylǵy qurlyqtyq hokkeı lıgasyndaǵy sońǵy oıynyn Qytaıda «Kýnlýn Red Star» komandasyna qarsy ótkizdi. Budan keıin pleı-off kezeńi sanalatyn Gagarın kýbogy oıyndary bastalady, dep habarlaıdy QazAqparat tilshisi.

Esterińizge sala ketelik, «Barys» komandasy pleı-off kezeńine birneshe oıyn buryn joldama alyp qoıǵan edi. Astanalyq klýbtyń pleı-off kezeńindegi qarsylasy da anyqtaldy. Bizdiń hokkeıshiler Reseıdiń Nıjnıı Novgorod qalasynyń «Torpedo» komandasymen sheberlik baıqasady.

Al «Kýnlýn Red Star» klýby pleı-off kezeńine shyǵýdan shet qaldy. Qazir olar jalpy týrnır kestesinde 21-orynda tur.

Degenmen búgingi kezdesýde «Kýnlýn Red Star» jeńisti qoldan bergisi kelgen joq. Bıyl eki komanda úsh márte kezdesip úlgerdi. Onyń ekeýinde «Barys» komandasy jeńiske jetse, bireýinde qytaılyq klýb basymdyq tanytty. 2018 jyldyń 12 jeltoqsanynda Beıjiń qalasynda bizdiń hokkeıshiler 4:1 esebimen jeńiske jetse, 2018 jyldyń 18 qańtarynda Astanadaǵy oıynda ««Kýnlýn Red Star» 3:1 esebimen ese qaıtaryp ketti. Al 14 aqpanda «Barys» óz aıdynynda olardy 3:1 esebimen tize búktirdi.

null  

Búgingi kezdesý tartysty bastaldy. Alǵashqy bolyp elordalyq klýb esep ashty. Oıynnyń 4-mınýtynda Egor Petýhov bizdiń komandany alǵa shyǵardy. Degenmen 9-mınýtta «Kýnlýn Red Star» komandasynan Drıý Shor esepti teńestirdi. Al 24-mınýtta Voıtek Volskı qytaılyq klýbty alǵa shyǵardy. Úshinshi kezeń bastala salysymen «Barys» sapynan Andre Peterson esepti teńestirdi. Budan keıin esep ózgergen joq. Oıyn 2:2 esebimen teń aıaqtaldy. Oıyn overtaımǵa ulasty. Overtmaıda da jeńimpaz anyqtalǵan joq. Býllıtte «Barys» jeńiske jetti.

null

«Barys» budan buryn 20 qańtarda Habarovskide «Amýr» komandasynan jeńilip qaldy.  

Endi «Barys» 26 aqpanǵa deıin demalys alady. Odan keıin pleı-off kezeńi bastalady. Pleı-off oıyndary eki komandanyń biriniń tórt jeńisine deıin jalǵasady. 

 

 

Avtor Ádiljan Úmbet
Basty sózder: Sport, Nur-Sultan,
Joǵary qaraı