Aýa raıy
Astana -9 °S
Almaty 0 °S
valıýta baǵamy
USD 388.70
EUR 428.70
RUB 6.08
CNY 55.46

QHL: «Barys» qarsylasyn býllıtten jeńdi

2019 jyldyń 23 qazan 2019 00:51

NUR-SULTAN. QazAqparat - Búgin elordalyq «Barys» qurlyqtyq hokkeı lıgasyndaǵy kezekti kezdesýinde syrt aıdynda Belarýstiń «Dınamo» (Mınsk) komandasymen kezdesti, dep habarlaıdy QazAqparat tilshisi.

«Barystyń» búgingi qarsylasy ala-qula oıynymen kózge túsip keledi. Nátıjesinde týrnır kestesinde 18 oıynnan keıin 15 upaımen 22 orynda. Al «Barys» 18 oıynnan keıin 26 upaımen besinshi orynda tur.

Osyǵan qaramastan búgingi kezdesý tartysty ótti deýge bolady. Birinshi kezeńde esep ashatyn birneshe múmkindik bar edi. Degenmen eki komanda da ony qoldan shyǵaryp aldy.

Aıdyn ıeleri sapynan 33-mınýtta Fransıs Pare óz komandasyn alǵa shyǵardy. Bul esep 39-mınýtta ózgerdi. «Barys» hokkeıshisi Egor Petýhov tarazy basyn teńestirdi. Kezdesý 1:1 esebimen teń aıaqtaldy. Oıyn overtaımǵa ulasty. Overtaımda da jeńimpaz anyqtalǵan joq. Býllıt serııasynda «Barys» jeńiske jetti.

Budan buryn «Barys» reseılik «Vıtıaz» komandasynan basym tústi

Endi «Barys» aldaǵy eki oıyndy syrt aıdynda ótkizedi. Aldymen 24 qazanda Reseıdiń «Lokomotıv» (ıAroslavl), 26 qazanda «Ak Bars» (Qazan) komandalarymen sheberlik baıqasady. Odan keıin 29 qazanda elordada Reseıdiń «Metallýrg» (Magnıtogorsk) komandasyn qabyldaıdy.




Foto: www.hcbarys.kz

Avtor Ádiljan Úmbet
Basty sózder: Sport,
Joǵary qaraı