Aýa raıy
Astana 25 °S
Almaty 17 °S
valıýta baǵamy
USD 386.82
EUR 428.67
RUB 5.86
CNY 54.95

QHL: «Barys» «Admıral» komandasynan jeńilip qaldy

2019 jyldyń 18 aqpan 2019 20:11 1165

ASTANA. QazAqparat - Elordalyq «Barys» qurlyqtyq hokkeı lıgasyndaǵy kezekti kezdesýin Vladıvostokta (Reseı) jergilikti «Admıral» komandasymen ótkizdi, dep habarlaıdy QazAqparat tilshisi.

«Barys» pleı-off satysyna beriletin joldama taǵdyryn erterek sheship qoıǵany belgili. Sondaı-aq, bıyl Chernyshev dıvızıonynda birinshi oryn alý máselesiniń de núktesin qoıdy. Dese de endi biz Shyǵys konferentsııasynda kósh bastaý múmkindiginen qol úzdik. Óıtkeni, «Barys» endi atalmysh konferentsııada birinshi orynda turǵan Ekaterınbýrgtiń «Avtomobılıst» komandasyn qýyp jete almaıdy. Bizdik komanda olardan jeti upaıǵa qalyp qoıdy.

Búgingi kezdesýde aıdyn ıeleri alǵash bolyp esep ashty. «Admıral» sapynan 10-mınýtta Aleksandr Mereskın mergendik tanytty. Osy esep 41-mınýtqa deıin saqtalyp turdy. Bul ýaqytta «Barys» hokkeıshisi Nıkıta Mıhaılıs tarazy basyn teńestirgen edi. Alaıda, teń nátıje oıyn sońyna deıin saqtala qoımady. Aıdyn ıelerinen Vladımır Býtýzov 58-mınýtta jeńis shaıbasyn soǵyp ketti. Osylaısha «Barys» búgingi qarsylasynan 1:2 esebimen jeńilip qaldy.

Elordalyq klýb buǵan deıin Astanada Ombynyń «Avangard» komandasynan 1:2 esebimen jeńilip qaldy.

Endi «Barys» aldaǵy eki kezdesýin syrt aıdynda ótkizedi. Aldymen  20 aqpanda Habarovskide «Amýr» komandalarymen oınaıdy. Qurlyqtyq hokkeı lıgasyndaǵy sońǵy kezdesýin «Barys» Qytaıdyń «Kýnlýn Red Starmen» 22 aqpanda ótkizedi. Odan keıin jarystyń pleı-off kezeńi bastalady.

 

 

 

Avtor Ádiljan Úmbet
Basty sózder: Sport,
Joǵary qaraı