Aýa raıy
Astana 24 °S
Almaty 28 °S
valıýta baǵamy
USD 383.98
EUR 430.63
RUB 6.11
CNY 55.83

Keles aýdanyndaǵy aýyldarǵa gaz ben aýyzsý berildi - Túrkistan oblysy

2019 jyldyń 17 maýsym 2019 23:53 528

KELES. QazAqparat - Túrkistan oblysy, Keles aýdanyndaǵy Birlesý jáne Júzimdik aýyldyq okrýgterinde tabıǵı gaz júıesimen qamtamasyz etýge qurylys-montaj jumystary júrgizilip, 8 eldimekenge qubyrlar tartyldy. Atqarylǵan jumystardyń arqasynda atalǵan aýyldyq okrýgter tabıǵı gaz júıesine qosyldy, dep habarlaıdy QazAqparat tilshisi.  

Búginde Júzimdik aýyldyq okrýginiń Ońtústik, Birlesý, Sátbaev, Aqsý eldi mekenderine gaz berildi. Sondaı-aq, Birlesý aýyldyq okrýginiń Qazaqstan, 28-gvardııa, Dıhan, Berekeldi eldi mekenderine, jalpy 8 eldi meken kógildir otynmen qamtyldy.  1519 úıge kógildir otyn jetkizildi. Aýyl turǵyndarynyń qýanyshymen ortaqtasýǵa aýdan ákimi Aqmentaı Esbaev arnaıy baryp, óziniń izgi tilekterin jetkizdi. Jyl sońyna deıin aýdanda tabıǵı gaz júıesimen taǵy 5 eldi meken qamtylady dep josparlanyp otyr.

Sonymen qatar, aýdandaǵy  Qoshqarata aýyldyq okrýginde aýyz sý máselesi tolyǵymen sheshimin tapty. Besqubyr eldi mekeni turǵyndarynyń qýanyshty sátimen bólisýge Keles aýdanynyń ákimi Aqmentaı Esbaev baryp, aldaǵy ýaqytta ózge de aýyldar tirshilik nárimen qamtylatynyn atap ótti. Ákimniń sózinshe,  Besqubyr eldi mekenindegi eki kóshede sý qubyrlaryn tartý jumystary aıaqtalyp, 150 turǵyn úıge taza aýyz sý júıesi júrgizilgen.  Aýdan kóleminde jalpy 83 eldi meken bolsa qazirgi tańda onyń 40-tan astamy aýyz sýmen qamtylǵan. Aǵymdaǵy jyldyń sońyna taıaý  taǵy 6 eldimekenge sý jetkizý josparlanyp otyr. 



null 

 

 

 

 

Joǵary qaraı