Aýa raıy
Astana 15 °S
Almaty 10 °S
valıýta baǵamy
USD 386.82
EUR 428.67
RUB 5.86
CNY 54.95

Qazalydaǵy kópshilik kútken kópirdiń qurylysy syr berdi

2019 jyldyń 22 aqpan 2019 19:07 2164

QAZALY. QazAqparat - Qazaly aýdanynda jalpy quny 2 mlrd teńgeden asatyn jańa kópirdiń beton tireýishteri áýelgi qalpynan jyljyı bastaǵan, dep habarlaıdy QazAqparat tilshisi. Al buǵan Syrdarııa ózeniniń arǵy betindegi 20 myńǵa tarta turǵyn alańdaýly. Tipti qurylysy aıaqsyz qala ma degen de qaýip bar.

Jalpy, «Álseıit» kópiri aýyl turǵyndaryn aýdan ortalyǵymen baılanystyratyn eń tóte jol. Sondaı-aq, bul kópir arqyly Aral aýdanyna qarasty birneshe eldi mekenniń halqy Qazalyǵa qatynap azyq-túligin, as-sýyn alady. Áýelde munyń qurylysy bastalǵanda kópshilik erekshe qýanǵan edi. Qazirgi jaǵdaıdy estigen jurttyń kóńili kúpti. Degenmen jergilikti bılik ókilderi nysandy belgilengen merzim ishinde paıdalanýǵa beriledi dep sendirdi.

- Sýdyń kóp bolyp, muzdyń joǵary deńgeıde qatýyna baılanysty tireýishteri otyrǵan. Qazirgi tańda ony buzyp, qaıtadan beton tireýish daıyndap jatyr. Jobany jasaǵan kezde barlyǵy zerttelgen. Qazir qurylysshylar kúndiz-túni jumys istep jatyr,- dedi oblystyq Jolaýshylar kóligi jáne avtomobıl joldary basqarmasynyń basshysy Erjan Ábdihalyqov jýrnalısterge bergen suhbatynda.

 Aıta keteıik, «Álseıit» kópiriniń qurylysy osydan 2 jyl buryn bastalǵan bolatyn. Joba boıynsha nysannyń tıisti jumystary maýsym aıynda tolyq bitip, el ıgiligine paıdalanýǵa berilýi tıis edi. 

 

 

Avtor Sársenqul Nazar
Basty sózder: Qoǵam, Qurylys, Qyzylorda oblysy,
Joǵary qaraı