Aýa raıy
Astana -3 °S
Almaty -1 °S
valıýta baǵamy
USD 389.75
EUR 434.26
RUB 6.12
CNY 55.05

Qazaqstannyń óner salasyna úlesimdi qosqym keledi - Danelııa Tóleshova

2018 jyldyń 19 qarasha 2018 16:03

ASTANA. QazAqparat - Sanaýly kúnderden soń Belarýs astanasynda «Junior Eurovision-2018» halyqaralyq balalar án baıqaýy bastalady. Osyǵan oraı, Astanadaǵy Ortalyq kommýnıkatsııalar ortalyǵynda Mınskimen beınebaılanys uıymdastyrylyp, aıtýly óner básekesinde el namysyn qorǵaıtyn Danelııa Tóleshova qazaqstandyq buqaralyq aqparat quraldarynyń saýaldaryna jaýap berdi, dep habarlaıdy QazAqparat tilshisi.

«Ýaqyt jaqyndaǵan saıyn qobaljý ústindemin. Qazir qyzý daıyndyq júrip jatyr. Maǵan sahnaǵa shyqqan, óner kórsetken unaıdy, án aıtýdan lázzat alamyn. Meni qoldaıtyn jáne senim bildiretin adamdardyń baryna qýanamyn, bul úlken jaýapkershilik. Qazaqstannyń óner salasyna óz úlesimdi qosqym keledi. Osy baıqaýǵa qatysýda maǵan qoldaý kórsetip, ónerde kómektesip jatqan barlyq adamdarǵa alǵysymdy bildiremin», - dedi Danelııa Tóleshova tikeleı efır arqyly ótken baspasóz máslıhatynda.

Aıta keteıik, búgin Mınıskide «Junior Eurovision-2018» halyqaralyq balalar án baıqaýynyń ashylý saltanaty ótedi. Onda jerebe tartylyp, 20 memleketten kelgen qatysýshylardyń sahnaǵa shyǵatyn rettik nomeri anyqtalady.

Ashylý saltanatyn «Habar» telearnasynan Astana ýaqytymen saǵat 23:00-de kórýge bolady.

25 qarasha kúni «Junior Eurovision-2018» balalar án baıqaýynyń grand-fınaly bolady. Qazaqstandyqtar ony «Habar» arnasynan Astana ýaqytymen saǵat 21:00-de tamashalaı alady.

Baıqaýdyń erejesi boıynsha, qatysýshylardyń ónerin 3 eresek jáne 2 baladan turatyn qazylar alqasy, sondaı-aq kórermender daýys berý arqyly baǵalaıdy.

Kórermenderdiń daýys berýi (qazaqstandyqtar úshin de) 23-25 qarasha aralyǵynda junioreurovisioin.tv saıtynda ótedi. Qazaqstandyq óner súıer qaýym Danelııa Tóleshovaǵa da daýys bere alady.

«Búginde uıymdastyrý jumystarymen aınalysatyn barlyq komanda Mınsk qalasynda. D.Tóleshova, tehnıkalyq top, jýrnalıster men ózge de mamandarymyz qyzý daıyndyq júrgizýde. «Habar» agenttigi Qazaqstan atynan habar taratatyn jalǵyz aqparat uıymy jáne uıymdastyrýshy kompanııa. Qarjy máselesi de bizdiń agenttiktiń bıýdjetinen sheshildi», - dedi Astanada baspasóz máslıhatyna qatysqan «Habar» agenttigi basqarma tóraǵasynyń orynbasary Rınat Kertaev.


null

Aıta ketsek, atalǵan baıqaýǵa Danelııa Tóleshova «Ózińe sen» ánimen qatysady, ánniń 60% qazaq tilinde, 40% aǵylshyn tilinde jazylǵan.

Atalǵan baıqaýǵa kelsek, 15 jyldyq tarıhy bar saıysqa 9-14 jas aralyǵyndaǵy jasóspirimder qatysa alady. Qazaqstan óz kezeginde alǵash ret qatysqaly otyr.

Avtor Álı Ibraev
Basty sózder: Qoǵam, Nur-Sultan, Mádenıet, Belarýs,
Joǵary qaraı