Awa rayı
Astana 0 °S
Almatı 5 °S
valyuta bağamı
USD 377.65
EUR 427.31
RUB 5.87
CNY 56.25

Qazaqstannıñ qanşa azamatı şetelde іstі boldı

2019 jıldıñ 21 aqpan 2019 11:03 473

ASTANA. QazAqparat - Parlament Senatınıñ jalpı otırısında «Qazaqstan Respwblïkası men Ïordan Xaşïmït Koroldіgі arasındağı qılmıstıq іster boyınşa özara quqıqtıq kömek twralı kelіsіmdі ratïfïkacïyalaw twralı» Zañı qabıldandı, dep xabarlaydı QazAqparat tіlşіsі.

Qazaqstan men Ïordanïya arasındağı atalğan kelіsіm 2017 jıldıñ qaraşasında Astanada bekіtіldі.

Zañ jobasınıñ negіzgі maqsatı -  wağdalaswşı memleketterdіñ qılmıstıq іster boyınşa tergew jumıstarı, qılmıstıq qwdalaw jäne sot talqılawların jürgіzwde kömek körsetwі.

«Ekі el arasındağı ıntımaqtastıq aytarlıqtay joğarı deñgeyde. Qazіrgі kezde qorğanıs önerkäsіbі, farmacevtïka, awıl şarwaşılığı jäne energetïka salasında belsendі özara іs-qïmıldar іske asırılwda. Atalğan kelіsіm standarttı qujat, sonday-aq osınday kelіsіmder 25 elmen jasaldı. Qazіrgі munday qujattardı Kwbamen, Grekïya jäne Makedonïya elderіmen bekіtw jumıstarı pısıqtalwda», - dedі QR Bas prokwrorınıñ orınbasarı Andrey Lwkïn.

Kelіsіm küdіktіler men ayıptalwşılardıñ kіnäsіn däleldew üşіn qajettі tergew äreketterіn jürgіzwdі közdeydі. Sonımen qatar, quqıqtıq kömek körsetwdіñ şarttarı men tärtіbі  jäne odan bas tartwdıñ negіzderі ayqındalğan.

Senator Vladïmïr Volkovtıñ sözіne qarağanda, bügіnde Qazaqstan köptegen elderdіñ twrïsterі üşіn tartımdı bolıp kele jatır, sonday-aq elіmіz azamattarınıñ şetelge saparları da jïіlewde.

«Ulttıq ekonomïka mïnïstrlіgіnіñ mälіmetіnşe, 2018 jıldıñ 1 qazandağı jağday boyınşa Qazaqstanğa 195 elden 6,8 mln şeteldіk kelgen. Onıñ іşіnde Ïordanïyanıñ 616 azamatı bar. Adamdar şetelge şıqqanda türlі jağdaylarğa tap bolıp jatadı. Osı orayda bul salada quqıqtıq rettewdіñ qajettіgі artıp keledі», - dedі depwtat.

V. Volkovtıñ aytwınşa, resmï statïstïka boyınşa qazіrgі kezde Qazaqstannıñ 947 azamatı şetelde sottı bolğan. Al 1 169 şeteldіk Qazaqstanda sottaldı. Olardıñ barlığı quqıqtıq kömekke muqtaj ekendіgі tüsіnіktі.

 

 

Joğarı qaray