Aýa raıy
Astana 11 °S
Almaty 17 °S
valıýta baǵamy
USD 389.52
EUR 429.21
RUB 6.07
CNY 54.94

Qazaqstandyqtar avtokólik satyp alý boıynsha rekord ornatty

2019 jyldyń 15 mamyr 2019 10:24

NUR-SULTAN. QazAqparat - Qazaqstandyqtar ótken sáýir aıynda 52 mlrd teńgege 5,5 myń avtokólik satyp alyp, kólik saýdasy jaǵynan 2016 jyldan bergi rekordty jańartty , dep habarlaıdy QazAqparat «Qazavtoóndiriske» silteme jasap.

«Qazaqstan ekonomıkasynyń ósim qarqyny 4 paıyzdyq deńgeıdi saqtaýda. Valıýta baǵamy turaqty. Osy faktorlardyń arqasynda 2016 jyldan beri jańarmaǵan rekordtyń seńi buzylyp, bir aıdyń ishinde 52 mlrd teńgege 5,5 myń avtokólik satyp alyndy. Satylyp alynǵan kólikterdiń 58,6 paıyzy otandyq óndiriske tıesili. Jeńildetilgen avtonesıe boıynsha memlekettik baǵdarlamanyń arqasynda bálkim bul rekordtyq kórsetkish qaıtadan mamyr aıynda jańaratyn sekildi», - deıdi Qazavtoóndiris» avtokólik salasyndaǵy kásiporyndar odaǵynyń dırektorlar keńesiniń tóraǵasy Oleg Alferov.

Osy jyldyń qańtar-sáýir aılarynda elimizdegi resmı dıllerler 18 838 kólik satyp, ótken jyldyń tıisti merzimine qaraǵanda 20,5 paıyzdyq ósimge qol jetkizgen. Esep berilip otyrǵan kezeńde el turǵyndary temir tulpar miný úshin 172,8 mlrd teńge ($456,7 mln) jumsapty (2018 jyldyń tıisti kórsetkishinen 41,3 paıyzǵa artyq).

«Osy aralyqta 10 449 satyp alýshy qazaqstandyq avtozaýyttan shyqqan kólikterdi tańdaǵan. Al 8 389 kólik ımportqa tıesili. Sonymen birge, sáýir aıynda qazaqstandyq avtoóndiris naryqtyń 58,6 paıyzdyq úlesine ıe bolyp, rekord kórsetti», - deıdi Oleg Alferov.

2019 jyldyń 4 aıynyń qorytyndysy boıynsha, qazaqstandyqtardyń suranysyna ıe kólik brendteriniń tórttigin Lada bastap tur. 4 aıda atalmysh markamen 4 743 kólik saýdalanǵan. Toyota modeldi satylǵan kólikterdiń sany 4 115. Úshinshi pozıtsııa 3 450 danasy satylǵan Hyundai markasynyń enshisinde. Úzdik bestik KIA (1 259) men GAZ (682) túıindeıdi.

Al TOP-10 kóshine sonymen birge Renault (643), Nissan (611), UAZ (546), Lexus (496) jáne Volkswagen (480) engen.

Avtor Aıan Bekenuly
Basty sózder: Ónerkásip, Kólik,
Joǵary qaraı