Aýa raıy
Astana -9 °S
Almaty -3 °S
valıýta baǵamy
USD 389.34
EUR 428.78
RUB 6.05
CNY 55.45

Qazaqstandyqtar aqysy tólenetin qosymsha 5 kún demalysqa shyǵa alady

2019 jyldyń 17 qazan 2019 14:39

NUR-SULTAN. QazAqparat - Qazaqstan azamattaryna skrınıngten ótý úshin aqysy tólenetin qosymsha 5 kúnge deıin demalys berilmek. Mundaı norma «Halyq densaýlyǵy jáne densaýlyq saqtaý júıesi týraly» kodeks jobasynyń jańa redaktsııasynda qarastyrylǵan, dep habarlaıdy QazAqparat tilshisi.

«Kodekste jumys berýshiniń jaýapkershiligi de qarastyrylyp otyr. Olar qyzmetkerlerine skrınıngten ótý úshin 5 kúnge deıin aqysy tólenetin demalys beredi. Barlyq azamattardyń belgili bir skrınıngten tegin ótýge múmkindikteri bar. Balalardy jyl saıyn medıtsınalyq tekserýden ótkizý de qarastyrylǵan. Jumys berýshi aqysy tólenetin demalys berýge mindetti. Ony oryndamaǵan jaǵdaıda jumys berýshige aıyppul salynady»,- dedi Májiliste atalǵan kodeks jobasyn tanystyrǵannan keıin BAQ ókilderine suhbat bergen Densaýlyq saqtaý mınıstri Eljan Birtanov.

Osy oraıda mınıstr jumys berýshi qyzmetkerin skrınıngten ótý úshin aqysy tólenetin demalysqa jiberse qaıda shaǵymdanýǵa bolatyndyǵyn aıtty.

«Zań boıynsha osyndaı jaýapkershilik engizilgennen keıin QR Eńbek jáne halyqty áleýmettik qorǵaý mınıstrliginiń eńbek quqyqtaryn qorǵaý, Densaýlyq saqtaý mınıstrliginiń medıtsınalyq qyzmetterdiń sapasyn baqylaý salalaryndaǵy komıtetterine shaǵymdanýǵa bolady», - dedi mınıstr.

Joǵary qaraı