Aýa raıy
Astana 5 °S
Almaty 6 °S
valıýta baǵamy
USD 389.98
EUR 434.01
RUB 6.10
CNY 55.04

Qazaqstandyq rejısserdiń kartınasy Úndistandaǵy kınofestıvalge qatysady

2019 jyldyń 21 aqpan 2019 16:07

ALMATY. QazAqparat - Qazaqstandyq rejısser Ádilhan Erjanovtyń «Túngi qudaı» kınokartınasy Úndistandaǵy kınofestıvalde azııalyq konkýrstyq baǵdarlamaǵa qatysady, dep habarlaıdy QazAqparat «Qazaqfılm» kınostýdııasyna silteme jasap.

Halyqaralyq kınofestıval 21-28 aqpan kúnderi Úndistannyń Bangalor qalasynda ótedi. Bengaluru International Film Festival-da azııalyq jáne úndi fılmderiniń konkýrstyq baǵdarlamalary bar. Sondaı-aq, konkýrstan tys baǵdarlamaǵa taǵy bir qazaqstandyq rejısser Emır Baıǵazınniń «Ózen» kartınasy qatysady.

Aıta keteıik, «Túngi qudaıdyń» álemdik premerasy 2018 jyldyń sáýir aıynda Máskeý halyqaralyq kınofestıvali aıasynda ótti. Odan bólek, fılm Parıjdegi L'Etrange Festival-de, Reseıdegi «Kraı Sveta» HKF, Indonezııadaǵy Jogja-NETPAC Asian Film Festival jáne Almatydaǵy Sháken Aımanov atyndaǵy HKF-da kórsetilgen bolatyn.



Buǵan deıin rejısserdiń 2016 jyly jaryq kórgen «Qaratas aýylyndaǵy oba» kınokartınasy Rotterdamdaǵy 45-shi NETPAC halyqaralyq kınofestıvalinde qazylar alqasynyń syılyǵyn jeńip aldy. Al «Álemge jyly beıjaılyq» fılmi 2018 jylǵy Kann kınofestıvaliniń «Erekshe kózqaras» konkýrstyq baǵdarlamasyna endi.




Avtor Aıjan Serikjanqyzy
Basty sózder: Mádenıet, Óner,
Joǵary qaraı