Aýa raıy
Astana -4 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Qazaqstandyq qos boksshy álem chempıonatynyń jartylaı fınalyna shyqty

2018 jyldyń 21 qarasha 2018 10:21

ASTANA. QazAqparat - Qazaqstandyq qos boksshy áıelder arasynda Nıý-Delıde (Úndistan) ótip jatqan álem chempıonatynyń jartylaı fınalyna shyqty, dep habarlaıdy QazAqparat tilshisi.

QR Ulttyq olımpıada komıtetinen málim etkendeı, Karına Ibragımova men Jaına Shekerbekova fınalǵa shyǵý úshin synǵa túsedi.

Karına Ibragımova shırek fınalda 60 kelige deıingi salmaqta qytaılyq Venlıý ıAngty utty. Al Jaına Shekerbekova 51 kelige deıingi salmaqta Polsha eliniń ókili Sandra Drabıkten basym tústi. Osylaısha Karına men Jaına keminde qola medalǵa ıe bolady.

Ókinishke qaraı, Farıza Sholtaı shırek fınalda 81 kelige deıingi salmaqta taǵy bir polıak qyzy Vıktorııa Kabıkovaǵa jol berdi. Mılana Safronova 64 kelige deıingi salmaqta ýkraınalyq Marııa Bovadan utyldy. 81 keliden joǵary salmaqta Lázzat Kúngeıbaeva da amerıkalyq Danıella Perkınsten aılasyn asyra almady.

Jartylaı fınaldyq báseke 22-23 qarasha kúnderi ótedi. K.Ibragımova beısenbi kúni ırlandııalyq, 2016 jylǵy álem chempıonatynyń kúmis júldegeri Kellı Harrıngtonmen rıngke shyǵady. Al juma kúni J.Shekerbekova japonııalyq Namıkı Tsýkımımen qolǵap túıistiredi. N.Tsýkımı bıylǵy maýsymda QR Prezıdenti kýbogy úshin jarysta eki márte álem chempıony Nazym Qyzaıbaıdy utyp ketken bolatyn. Sonyń qarymtasyn Jaına qaıtara ala ma, joq pa - ony rıng kórsetedi.

Eske sala keteıik, budan buryn qazaqstandyq bes boksshy qyzdyń shırek fınalǵa jáne Karına Ibragımovanyń jartylaı fınalǵa ótkenin jazǵan bolatynbyz.

Avtor Eljan Eraly
Basty sózder: Sport, Boks,
Joǵary qaraı