Aýa raıy
Astana 31 °S
Almaty 30 °S
valıýta baǵamy
USD 384.87
EUR 432.52
RUB 6.11
CNY 55.95

Qazaqstandyq dárigerler úsh adamǵa jasandy júrek salyp berdi

2019 jyldyń 18 maýsym 2019 16:14 649

NUR-SULTAN. QazAqparat - Qazaqstanda buryn-sońdy álem elderinde bolmaǵan tolyqtaı jasandy júrek otasy 3 adamǵa jasaldy. Bul týraly búgin halyqpen eseptik kezdesý ótkizip jatqan QR Densaýlyq saqtaý mınıstri Eljan Birtanov aıtty, dep habarlaıdy QazAqparat tilshisi.

«Bárimizdi mazalaıtyn kelesi ózekti másele sapaly joǵary tehnologııalyq medıtsınalyq kómek alý bolyp otyr. Rasynda, tarıhı jaǵdaıǵa baılanysty keıbir tehnologııalarymyz bolmaǵannan keıin kóp patsıentter shetelge baryp em izdeıdi. Biraq, bizde bul másele  boıynsha josparlar engizilip, jumys jasalyp jatyr. Osy rette, ulttyq ǵylymı klınıkalarǵa alǵys bildirgim keledi. Ótken úsh jyldyń ishinde joǵary tehnologııalyq qyzmetterdiń sany, sonyń ishinde biregeı operatsııalardyń úlesi artyp keledi», - dedi mınıstr.

null 

Máselen, onyń aıtýynsha, elimizdiń Ulttyq kardıohırýrgııalyq ortalyǵynda ótken jyly júrek transplantatsııasy boıynsha 8 ota jasalǵan.

«Basqa memleketterde engizilmegen tolyqtaı jasandy júrektiń 3 transplantatsııasy  jasaldy. Bul - Frantsııa jáne basqa memleketterdegi ǵylymı-zertteý jumysy. Biraq, bizdiń kardıohırýrgııalyq ortalyǵymyz dúnıejúzinde tuńǵysh ret osyndaı operatsııany jasap jatyr», - dedi E.Birtanov.

 

 

Joǵary qaraı