Aýa raıy
Astana 5 °S
Almaty 3 °S
valıýta baǵamy
USD 389.98
EUR 434.01
RUB 6.10
CNY 55.04

Qazaqstandyq balalar áıgili fýtbol juldyzy Messımen kezdesti

2019 jyldyń 22 sáýir 2019 01:54

NUR-SULTAN. QazAqparat - Qazaqstandyq balalar Álı men Ámir áıgili fýtbol juldyzy Lıonel Messımen kezdesti. Bul týraly búgin balanyń anasy Aqmaral Ámireeva óziniń feısbýktegi paraqshasynda jazdy.

«Men jaratqanǵa Álı men Ámirdiń armanyn oryndaǵany úshin alǵysymdy bildiremin. Álı armandady, Jaratqan onyń armanyn oryndady. Biz Qaırat Boranbaev myrzaǵa osy saparǵa demeýshilik etkeni úshin alǵysymyzdy bildiremiz. Biz Barselona fýtbol klýbymen kóp ýaqyttan beri baılanysyp júrdik. Mundaı kezdesýge qol jetkizý ońaı emes edi, árıne. Alaıda, biz osyndaı múmkindiktiń oraıy týǵanda ári qaraı ne isterimizdi bilmeı dal boldyq. Óıtkeni ol jaqqa baryp, kelý men onda jatyn oryn jaldap turý biz úshin óte qymbat bolatyn. Osy kezde bizge kómekke Qaırat Boranqulov myrza keldi. Álıdi Barselonaǵa shaqyryp jatqanyn estigen ol bizdiń saparymyzdyń qunyn tólep berdi. Bizdiń Sizge alǵysymyz sheksiz, armandaryńyz oryndala bersin!»,-dep jazdy balalardyń anasy.




Sondaı-aq Aqmaral Ámireevanyń jazýynsha, Barselonada Messı Álıdi óte jyly qabyldaǵan. Sol sáttegi qýanysh pen shattyqqa toly kóńil-kúıdi jetkizý múmkin emes. Osynshama joǵary deńgeıdegi fýtbol juldyzy ózin óte qarapaıym ustady jáne Álıge jyly shyraı tanytyp, udaıy qushaqtaýmen boldy»,-dep jazdy Álıdiń anasy.




Osy rette ol sapar barysynda qoldaý kórsetkeni úshin Qazaqstannyń Barselonadaǵy konsýldyq qyzmetkeri Rınat atty azamatqa da alǵysyn bildirdi.

«Ol óziniń jumysynyń tyǵyzdyǵyna qaramastan bizdi nazarynan tys qaldyrmady. Oǵan bizdiń alǵysymyz sheksiz»,-deıdi Álıdiń anasy.

Basty sózder: Oqıǵa, Sport,
Joǵary qaraı