Aýa raıy
Astana 9 °S
Almaty 12 °S
valıýta baǵamy
USD 389.62
EUR 429.98
RUB 6.06
CNY 55.08

Qazaqstandyq avtozaýyttar bıyl 12 myń kólik shyǵardy

2019 jyldyń 19 mamyr 2019 19:36

NUR-SULTAN. QazAqparat - 2019 jyldyń qańtar-sáýirinde Qazaqstanda 12 870 avtokólik shyǵaryldy. Olardyń arasynda jeńil jáne júk kólikteri, avtobýs tehnıkasy men arnaıy mashınalar da bar. Bul týraly QazAqparat «QazAvtoÓnerkásip» avtokólik salasyndaǵy kásiporyndar odaǵyna silteme jasap habarlaıdy.

Esepti kezeńde Qazaqstanda shyǵarylǵan kólikterdiń jalpy quny 83,9 mlrd teńgege baǵalanyp otyr. Jalpy, jeńil avtomobıl óndirý 37,9 paıyzǵa ósip, 12 113-ke jetti.

Jyl basynan beri otandyq avtozaýyttar 10 879 kólikti ótkizip, bul kórsetkish byltyrǵa qaraǵanda 42,2 paıyzǵa joǵary boldy. Onyń ishinde 3 368 avtomobıl sáýir aıynda satylyp, bul óz kezeginde saladaǵy úzdik kórsetkish retinde tirkeldi.

Tórt aıdyń qorytyndysy boıynsha jergilikti óndiristegi avtomobılderdi satyp alýǵa turǵyndar 69,6 mlrd teńge jumsap, osy soma bir jyl burynǵy deńgeıden 68,5 paıyzǵa joǵary boldy.

Atalǵan merzimde Qazaqstanda qurastyrylǵan jeńil kólikterdiń arasynda suranysqa ıe brendterdiń bestigine Lada (4 664 kólik), Hyundai (3 405), KIA (1 240), Skoda (290) jáne Chevrolet (233) endi. Otandyq kásiporyndar usynatyn markalardyń tiziminde JAC (160), UAZ (116), Ravon (68) jáne Peugeot (15) bar ekenin atap ótken jón.

Budan buryn habarlanǵandaı, 2018 jyly Qazaqstanda 32 298 avtokólik shyǵaryldy.

Avtor Rýslan Ǵabbasov
Basty sózder: Qoǵam, Kólik,
Joǵary qaraı